Megamall

Skip to Main Content »

Welcome to our Your Astrology!
 

You have no items in your shopping cart.

Click here உங்கள் ஜாதக கட்டம் , ஆயுள் பலன்கள் , திருமணம் ,தொழில், காதல்,மற்றும் அனைத்து பலன்களும் அடங்கிய 115 பக்கங்கள் கொண்ட புத்தகம் ரூபாய் 400/$10 க்கு கொடுக்கபடும். Click here

You're currently on:

கும்பம்

   நட்சத்திரங்களில் அவிட்டம் மூன்று அல்லது நான்காம் பாதங்கள், சத்யம் மற்றும் பூரட்டாதி முதல் மூன்று பாதங்களில் பிறந்தவர்களும் , உதய லக்கினமாகிய கும்ப லக்கினத்தில் பிறந்தவர்களும், சனிபகவானை அதிபதியாக கொண்ட கும்ப ராசிக்கு உரியவர்கள் ஆவார்கள்.

         இந்த ராசிக்காரர்களுக்கு ஜென்ம ஸ்தானாதிபதியாகிய சனிபகவான் அடுத்த மூன்று ஆண்டுகளுக்கு 11ம் இடத்தில் சுபலாபச்சனியாக சஞ்சரித்து நன்மைகளை வழங்க உள்ளார். தனலாப ஸ்தானாதிபதியாகிய குருபகவான் தற்போது பாக்கிய குருவாக 9ம் இடத்தில் அருள் புரிந்து வருகிறார். வருகின்ற ஆண்டுகளில் 10 மற்றும் 11ம் இடத்தில் சஞ்சாரம் செய்ய உள்ளார்.

     நீங்கள் யாரை பார்த்தாலும் இன்முகத்துடன் இணங்கி பழகும் பழக்கம் உடையவர்களாவர். ஜாதி, மொழி, மதம், இனம் கடந்து அனைத்து சமுதாய  மக்களுடனும் நட்புடன் பழக விரும்புவீர்கள். எளியவர்க்கு எளியவராய், செல்வந்தர்களுக்கு அவர்களுக்கு ஏற்றாற்போல் பழகும் குணமும் உண்டு. ஆனால் முரட்டு சுபாவம், வீண் பிடிவாதம், உணர்ச்சிவசப்படுதல் ஆகிய குணங்கள் நட்பை ஏற்று பின் நீங்களே கெடுத்துக் கொள்ளும் சூழலை ஏற்படுத்தும். இதனால் முதலில் நண்பர்களாகவும் பின்பு எதிரிகளாகவும் மாறுவார்கள்.

     உங்களை நம்பி வருபவர்களுக்கு யாரும் அறியாத, சொல்ல முடியாத சிறப்பான நியாயத்தை தீர்ப்பாகவும், தீர்வாகவும் கொடுப்பீர்கள் . நெருங்கி பழகியவர்கள் உங்கள் குறைகளை உரிமையோடு சுட்டிக்காட்டினால்  ஏற்றுக் கொள்ளாமல் வாக்குவாதம் செய்து ஒதுங்கி விடுவீர்கள். தான் செய்வது மட்டுமே சரி என்ற கண்ணோட்டத்தில் உங்கள் பார்வை இருக்கும். 

    உங்களிடம் ஒப்படைக்கப்படும் முடிக்க முயாத காரியங்கள் அனைத்தையும் சுயபலத்தோடும், புதிய நுணுக்கத்தோடும் சிந்தித்து கடின வேலையைக் கூட எளிதில் முடிப்பீர்கள். தானாக மக்கள் கூட்டத்தை கூட்டும் சக்தியும், வழிநடத்தும் ஆற்றலும் உண்டு. இளம் வயதில் கஷ்ட ஜீவனமும், பிற்பகுதியில் சொகுசு வாழ்க்கையும் வாழ்வீர்கள். கல்வி ஞானம் குறைந்து இருந்தாலும் எதையும் எளிதில் கற்கும் திறன் இவர்களுக்கு அதிகம். தாய்ப்பாசம் அதிகம் கொண்ட கும்பராசிக்காரர்களை எல்லாம் தெரிந்த ஞானவான்களாக சமூகம் பார்ப்பது, துணிச்சலாக செயலாற்ற கூடுதல் பலத்தை கொடுக்கும்.

     இப்படி அற்புதமான குண நலன்களோடு ஈஸ்வரப்பட்டம் பெற்ற சனீஸ்வர பகவானின் வீடுகளில் ஒன்றான கும்பராசியில் பிறந்த உங்கள் ராசியின் உருவம் பூர்ணகும்பம். எப்பேர்ப்பட்ட பிரதம மந்திரி, மடாதிபதி இப்படி யாரை வரவேற்க வேண்டுமானாலும் உங்களின் பூர்ண கும்பத்தை கொண்டு வேத மந்திரங்களை சொல்லி அழைத்து வரவேற்றால் தான் பெருமை. அப்படிப்பட்ட முக்கிய இடத்தை பெறுபவர்கள் கும்பராசிக்காரர்கள்.

      இன்னும் சொல்லப்போனால் 12 ஆண்டுகளுக்கு ஒரு முறை திருக்கோயில்களில் நிரப்பப்பட்ட கும்ப நீரால் இறைவனின் சக்தியையும், சாந்நித்தியத்தையும் அதிகரிக்க கும்பாபிஷேகம் செய்வார்கள். அப்பேற்பட்ட கிடைத்தற்கரிய கும்பத்தையே  ராசியாக கொண்டு பிறந்த நீங்கள் மகாபாக்கியசாலிகள்.

        கடந்த 2 1/2 ஆண்டில் வியாபாரத்தில் மந்தம், குடும்பத்தில் அமைதி குறைவு, பண நெருக்கடி, குறைந்த வருமானம், பணிமாற்றம், , மேலதிகாரிகளிடம் கருத்து வேறுபாடு, வீண் வம்பு, வழக்கு, அரசியல் குறுக்கீடு, அரசியல், கலைத்துறையினருக்கு வாய்ப்பு இல்லாமல் மனசோர்வு இப்படி பல பிரச்சனைகளை பலவித கோணங்களில், சந்தர்ப்பங்களில் சந்தித்து வந்தீர்கள். இருப்பினும் உங்களுக்கே உரித்தான புத்தி சாதுர்யத்தாலும், இறைவனின் அனுகிரகத்தாலும் கடந்து வந்துள்ளீர்கள். யாரை, எப்படி அணுக வேண்டும் என்பது உங்களுக்கு நன்றாகத் தெரியும். சூழ்நிலை எவ்வாறாக இருக்கிறதோ அதற்கு ஏற்றவாறு உங்கள் செயல் பேச்சுக்களை  மாற்றி தப்பித்து விடுவீர்கள்.

      கடந்த ஜீவன சனியின் காலம் பல புதிய பாடங்களை சொல்லிக்கொடுத்து இருக்கும். முக்கிய சொந்தங்களை இழந்து மனம் வருந்தி இருப்பீர்கள். நம் வாழ்க்கைப் பயணத்தின் குறிக்கோள் என்ன  என்று கேள்விகள் மனதில் எழும்பும். புகழ வேண்டிய நேரத்தில் புகழ்ந்து, இகழ வேண்டிய நேரத்தில் இகழ்ந்து காரியம் புரிந்திருப்பீர்கள். நமக்கு என்று விலாசம்  கேட்டுக்கொண்டு வீடு தேடி வரும் பிரச்சனைகளையும் தவிடுபொடி ஆக்கி ஊதி காற்றில் பறக்க விடுவதில் வல்லவர் நீங்கள் என்று தெரிந்து கொண்டு இருப்பார்கள்.

        தற்போது குருபகவான் 9ம் இடத்தில் இருப்பதும், சாயாகிரஹங்களுள் ராகுபகவான் 6ம் இடத்தில், கேதுபகவான் 12 ம் இடத்தில் இருப்பதும் எந்த ஜோதிடர்கூட பார்த்திராத அற்புதமான அமைப்பு ஆகும். பல ஆண்டுகளுக்கு பிறகு யாரும் அறிந்திடாத வகையில்  கிரஹங்களின் கோட்சார அமைப்பு தற்போது வந்திருப்பதால் பேரருளை பெறப்  போகிறீர்கள் என்றே சொல்லவேண்டும். இன்னும் சொல்லப்போனால் ஹேவிளம்பி  வருட விஜயதசமியில் இருந்தே உங்களுக்கு விஜயத்தை தரும் பாதை தென்பட துவங்கி இருக்கும்.

      காரியங்கள் கைகூடும் யோகமான காலம்! முயற்சிகள் பலன் கொடுக்கும் உன்னதமான நேரம். பண வசதி, பொருளாதார முன்னேற்றம் அடையப்போகும் விஷேமான காலம். மொத்தத்தில் பேரும் புகழும் கிடைக்கப்போகும் சந்தோஷக்காலம் என்றே சொல்ல வேண்டும். தற்போது சனிபகவான் லாப ஸ்தானத்தில் சஞ்சரித்து மிக நல்ல பலன்களை வாரி வழங்க உள்ளார். யோகம் வந்தாச்சு, நல்ல நேரம் வந்தாச்சு என்ற பாடல் வரிகள் எனக்கு நினைவில் வருகின்றது. ஒரு முக்கியமான அம்சம் என்னவென்றால் சனீஸ்வர பகவானின் பார்வை 1,5 மற்றும் 8 ஆகிய 3 ஸ்தானங்களில் இருக்கின்றது. சில காரியங்களில் அலைச்சலும், இழுபறியும் இருந்தாலும் முடிவில் நன்மை பயக்கும் வகையிலும், நீங்கள் எதிர்பார்த்த வெற்றியை பரிசாக இந்த பார்வை அமைப்பு உங்களுக்கு கொடுக்கும்.

      உங்கள் ஜாதகத்தில் சனீஸ்வரபகவான் நல்ல சுப ஸ்தானத்தில் வலுப்பெற்று இருப்பதால் யாராலும் உங்களை அசைக்க முடியாது. இதுவரை இருந்து வந்த குழப்பமான சூழ்நிலைகள் மாறும். 11ம் இட  சனி, 9ம் இட  குரு,  6ம் இட  ராகுவால் உங்கள் காரியங்கள் அனைத்திலும் ஒரு உத்வேகமும், உற்சாகமும், புத்துணர்ச்சியும் இருக்கும். இதுவரை மனைவியின் உபதேச அறிவுரைகள் கேட்காமல் அவமதித்து கோபமுகத்தைக்காட்டி வந்து இருப்பீர்கள். தற்போது இந்த கிரஹ அமைப்பு கணவன் மனைவி இடையே அந்நியோன்யத்தை கொடுக்கும். கேதுபகவான் 12ம் இடத்தில் இருப்பதால் குடும்பத்தினருடன் இன்ப சுற்றுலா, வெளிநாடு செல்லும் வாய்ப்பு கூட கிடைக்கும். குருபகவான் அருளால் திருமண வயதை எட்டிய பிள்ளைகளுக்கு சுபயோக சுபதினத்தில் ஊரே வியக்கும் வண்ணம் அவர்களின் விருப்பத்தை  கேட்டு திருமணத்தை செய்து வைத்து சந்தோஷப்படுவீர்கள். திருமணம் ஆகாதவர்கள் அனைவருக்கும்  திருமணம் நடைபெறும். குழந்தை பாக்கியம் வேண்டி காத்திருந்த தம்பதிகளுக்கு குழந்தை பிறக்கும். கருத்து வேறுபாட்டால் பிரிந்த தம்பதிகள் இணைவார்கள்.

       உங்கள் கைகளை பிடித்து வலம்வந்த இளைய சகோதரனின் செயல்பாடுகள் பிறரின் தூண்டுதல்களால் மாற்றப்பட்டு பங்காளியாகவும், பகையாளியாகவும் மாறி இருந்தவர்கள், தற்போது மனம் திருந்தி பழைய பாசத்தோடு மீண்டும் இணைவார்கள். அதுபோல் சகோதரிகளின் வருகையும், அவர்களின் பிள்ளைகளுக்கும்  சீர் செய்து கொடுத்து ஆனந்தப்படுத்தி மகிழ்வீர்கள். தனி ஆளாக இருந்த உங்களுக்கு தற்போது சொந்த பந்தங்கள், உறவினர்கள் வருகை மகிழ்ச்சியை கொடுக்கும். அவர்களை அழைத்து விருந்து கொடுத்து ஒன்றாக சாப்பிட்டு சந்தோஷப்படுவீர்கள்.

      உத்தியோகத்தில் உழைப்புக்கு ஏற்ற ஊதியம் இல்லாமல் இருந்தவர்களுக்கு முன்பு இருந்த கடினமான சூழ்நிலை மாறும். தடைபட்டு வந்த உயர்பதவிகள் மீண்டும் வந்து சேரும். பணிசெய்யும் இடத்தில் முன்பு பெற்ற கடனுக்கு செலுத்திய EMII பூர்த்தியடையும். முழுத்தொகையையும் சம்பளமாக பெறுவீர்கள். மேலதிகாரிகள் உங்கள் திறமை, கடின உழைப்பு, அலைச்சல்கள் இவற்றை புரிந்து கொண்டு சம்பளத்தை அதிகப்படுத்தி தர முன்வருவார்கள். வேலையோடு கூடுதல் படிப்பு படித்து சிலர் உயர்பதவியோ, அரசு வேலையோ  பெறுவார்கள். வேலைக்கு காத்திருந்தவர்களுக்கு, நீங்கள் எதிர்பார்த்த நிறுவனத்தில் எதிர்பார்த்த வேலை உங்கள் கல்விக்கு ஏற்றபடி  கிடைக்கும். வேலையின் காரணமாக பிரிந்து வாழ்ந்த தம்பதிகள் இணைவார்கள்.

        தொழில் அதிபர்கள் பணத்தை ரியல் எஸ்டேட் முதலீடு செய்து, லாபம் வருமா, நஷ்டமாகி விடுமா,  போட்ட பணத்தையாவது எடுக்க முடியுமா என்ற கேள்விகளுக்கு விடை கிடைக்கும். பூமி விற்பனைகள்  இருந்த தடைகள் நீங்கும். அசலுக்கு வட்டி, வட்டிக்கு வட்டி என்று கட்டிய நிலைமாறும். முன்பு நீங்கள்  முதலீடு செய்த தொழில் எதுவாக இருந்தாலும் நிச்சயம் எதிர்பார்க்காத லாபத்தை கொடுக்கும். தற்போது முன்னேற்ற  பாதைகள் திறப்பதை நீங்களே உணருவீர்கள். மனதில் தைரியம் கூடும். வெளிநாட்டுப் பயணம் திருப்தியாக  இருக்கும். உங்கள் தொழில் இப்பொழுது பலன் கொடுக்கத் தொடங்கும். தொழிலாளர்களிடம் இருந்த கருத்து வேறுபாடு மறையும். தாங்கள் நினைத்த காரியம், தடைகள் மறைந்து நல்ல விதமாக முடித்து விடலாம்.

     வருகின்ற 4.10.2018 முதல் குருபகவான் 10ம் இடத்திற்கு பிரவேசிக்கிறார். பத்தில் அந்தணர் வருகை சில சிறிய சோதனைகளைத்  தரலாம். வாக்குவாதத்தை தவிர்க்க வேண்டும். இல்லையேல், வயதில் குறைந்தவர்கள், அனுபவம் இல்லாதவர்கள், சக  ஊழியர்களின் அனாவசிய வார்த்தை மன  வேதனையைக் அனுபவிக்க வேண்டி வரும். பகைவர்கள் பலம் பெற்று உங்கள் நண்பர்கள் துணையுடன்  எதிர்க்கப் பார்ப்பார்கள்.

      உங்களின் பொருட்களையும், உடைமைகளையும் கவனமாகப் பாதுகாக்க வேண்டும். திருடர்கள் திருட முற்படுவார்கள். கோர்ட் வழக்குகள் இழுபறி நிலையே இருக்கும். காலதாமதமான வழக்கு வெற்றியால் குறைந்த மகிழ்ச்சியே  கிடைக்கும். மாதம் ஒருமுறை ஷேத்திர தரிசனம் செய்வது மனதுக்கு ஓரளவு நிம்மதியைக் கொடுக்கும். நேர்மை தவறி நடப்பவர்களின் நட்பு கிடைக்கப்பெற்று சமூக மதிப்பு கெடும்  வாய்ப்பு உள்ளது. அரசு கடன்  கிடைக்காமல் மனதில் சலிப்பு தோன்றும். பிறரை நம்பி அகலக்கால் வைக்காமல் இருப்பது நல்லது. பிறர் செய்யும் தவறான செயல்களைத்  திருத்த முற்படும்போது வீண் வாக்குவாதம் ஏற்படும். மொத்தத்தில் இந்த காலகட்டத்தில் மிகவும் கவனமாக இருக்க  வேண்டும்.

       வருகின்ற 13.2.2019 முதல் ஆரோக்கியகாரணகனான ராகுபகவான் 5ம் இடத்திலும், கேதுபகவான் 10ம் இடத்திலும் சஞ்சாரம்  செய்ய உள்ளார்கள். 5ம்இடம் ராகு, மனதில் இருந்த ஐயப்பாடுகள் அனைத்தையும் நீக்கி யோகத்தை கொடுப்பார். இருப்பினும் புத்திரர் வழியில் சில மனசங்கடங்கள் விரயங்கள் வரும். உங்கள் சொல்லை  உதாசீணம் செய்து நீங்கள் விரும்பாத சில விஷயங்களை செய்வார்கள். பூர்வீக சொத்துக்கள், விரும்பிய மனைகளை வாங்கி  மகிழ்வீர்கள். சிறிய லாபத்திற்கு பகிரதாப்பிராயத்தை செய்து சக்தியை தண்டி முதலீடு செய்ய நேரும். தலைவலி, தூக்கமின்மை, பூச்சிக்கடி, கட்டி தொந்தரவுகள் வரலாம். எதிர்பார்த்த அரசாங்க உதவிகள் தாமதம் ஆகும். காதல் விவகாரங்களை தவிர்ப்பது நன்மை பயக்கும். 10ம் இடத்தில் கேதுவினால் பிரபலமானவர்கள்  நட்பு கிடைக்கும். குடும்பத்தில் சுபநிகழ்ச்சிகள் ஏற்படும். பொருளாதாரம் அபிவிருத்தி அடையும்.

        அரசு அதிகாரிகள், அரசியல்துறையினரின் ஆதரவு கிடைக்கும். தாய் வழி உறவினர்கள் மூலம் நன்மை கிடைக்கும். தெய்வ நம்பிக்கை அதிகரிக்கும். ஏதோ கோவிலுக்கு போகிறோம், பிரச்சனை என்றால் சாமி கும்பிடுவோம் என்று வாழ்ந்த  நீங்கள் ஜாதகம் பார்த்து ஜோதிடம் மற்றும் பரிகாரத்தை சக்தியை உணர்ந்து வழிபாடு செய்ய விரும்புவீர்கள். சிலருக்கு திடீர் அதிஷ்டத்தின் வாயிலாக வாய்ப்புகள் கிடைக்கும். இழுபறியில் இருந்த வழக்குகள் பேச்சுவார்த்தை  மூலம் சுமூகத்திர்வு காண்பிர்கள்.

      வருகின்ற 29.10.2019 முதல் குருபகவான் 11ம் இடத்தில் பிரவேசிக்கிறார். லாபம் தரும் 11ம் இடத்தில் சனிபகவான், குருபகவான் கேதுபகவான் சொல்லவா வேண்டும். எதை மனதில் நினைத்தாலும் ஆண்டவன் துணையோடு முடித்து விடுவீர்கள். பணவரவுகள் திருப்தியாக இருக்கும். திருமண ஏற்பாடுகள் தடபுடலாக இருக்கும்.  சிலருக்கு எதிர்பார்த்தபடி புத்திரபாக்கியம் கிட்டும். எதிரிகளும் நண்பர்களாக மாறுவார்கள். கணவன் மனைவி இடையே காதல் அதிகரிக்கும். கொடுக்கல் வாங்கலில் பெரிய தொகையை முதலீடு செய்து லாபத்தை காண்பீர்கள். அலைச்சல்கள், டென்ஷன்கள் குறையும். 

    தேக ஆரோக்கியம் மிகவும் அற்புதமாக இருக்கும். தொழில் வியாபாரத்தில் முன்னேற்றம் ஏற்படும். உத்தியோகத்தில் மேலும் சுபிட்சம் உண்டாகும். அசையும், அசையா சொத்துக்கள் சுகவாழ்வு, சொகுசு வாழ்வு ஆடை, ஆபரண, ஆடம்பர பொருள் சேர்க்கை இவ்வாறு எழுதிக் கொண்டே போகலாம். மொத்தத்தில் புன்சிரிப்பு முகத்தை கொண்டு அருள் புரியும் நோக்கத்தோடு உங்கள் ராசிநாதன் சனீஸ்வரபகவான் இருக்கும்போது, சனி கொடுப்பார் எவர் தடுப்பார் என்பார்களே, அதுபோல் அவர் கொடுக்க நினைப்பதை யாராலும் தடுக்க முடியாது.

      இந்த அற்புதமான நேரத்தில் உங்களுக்கு உதவி செய்தவர்களுக்கு உபகாரம் செய்ய மறக்காதீர்கள். செய் நன்றி மறவாமல் அவர்களுக்கு வீடுதேடி சென்று நிதிவழியில், தர்மவழியில் உங்களின் நிதிகிரஹமாகிய மைந்தனை மனதில் நினைத்து நன்மைகளை செய்யுங்கள் நல்லதே நடக்கும். எனவே பெரிய திட்டங்கள், பெரிய முதலீடுகள், வெளிநாட்டு தொடர்பு, வெளிநாட்டில் முதலீடு, புதிய வியாபாரம் என முதலீடு செய்து லாபம் ஈட்டும்  நேரம் என்பதை புரிந்து முன் யோசனையுடன் காலம் தாழ்த்தாமல் நடந்து கொண்டு லாபத்தையும், வெற்றிகளையும் குவியுங்கள். இறைவழிபாட்டை மறக்காமல் இருப்பது கூடுதல் நல்ல  பலன்களை கொடுக்கும். காலம் பொற்காலம் என்பதை உணர்ந்து நல்லபெயர், புகழ், பொருள் அனைத்தையும்  நேர்மையான முறையில் பெற்று வெற்றி கனியை அடையுங்கள். பொதுவாக அனைத்து கிரஹ அமைப்புகளையும் பார்க்கும் பொது சுமார் 81% நன்மையான பலன்களும் 19% தீமையான பலன்களும் கிடைக்கும் வாய்ப்பு உள்ளது.

பரிகாரம்

     குலதெய்வ வழிபாட்டுடன், திருப்பரங்குன்றம் முருகப் பெருமானுக்கு அரளி புஷ்பமாலை அணிவித்து அர்ச்சனை செய்து வாருங்கள்.

வாழ்க வளமுடன்

உதவி தேவைக்கு :

ஜோதிட ரத்னா ஓம் சந்தோஷ்

Follow us

For fequent updates and information, Please feel free to follow us.

Newsletter