Megamall

Skip to Main Content »

Welcome to our Your Astrology!
 

You have no items in your shopping cart.

Click here உங்கள் ஜாதக கட்டம் , ஆயுள் பலன்கள் , திருமணம் ,தொழில், காதல்,மற்றும் அனைத்து பலன்களும் அடங்கிய 115 பக்கங்கள் கொண்ட புத்தகம் ரூபாய் 400/$10 க்கு கொடுக்கபடும். Click here

You're currently on:

மேஷம்

        மேஷம்

         நட்சத்திரங்களில்  அஸ்வினி, பரணி, கார்த்திகை முதல் பாதத்தில் பிறந்தவர்களும், உதய லக்னமாகிய மேஷ  லக்கினத்தில் பிறந்தவர்களும், செவ்வாயை அதிபதியாகக் கொண்ட மேஷராசிக்கு உரிய நேயர்கள் ஆவார்கள்.

     கடந்த இரண்டரை ஆண்டுகள் அஷ்டமத்து சனியின் காலத்தால் தவித்து போய் இருப்பீர்கள், இன்னும் சொல்லப்போனால் எந்த பக்கம் போனாலும் பிரச்சனை, எண்ணிலடங்காத துன்பங்கள் அனுபவித்து இருப்பீர்கள். மன அமைதி இழந்து செய்கின்ற தொழிலில் கூட கவனம் செலுத்த முடியாமல் போயிருக்கும்.        உத்தியோகத்தில் பதவி இழப்பு, குறைப்பு, மாற்றம் என எல்லா வித துன்பங்களையும் சந்தித்து இருப்பீர்கள். எல்லாவற்றிலும் தொய்வான சூழ்நிலை, விபத்துகள், வீண் அலைச்சல்கள் இருந்திருக்கும்.

சில நபர்கள் உடல்நலம் பாதிக்கப்பட்டு மருத்துவமனையில் சில காலம் தங்கி மருத்துவ சிகிச்சை பெற்று வந்து இருப்பீர்கள்.  இன்னும் சிலர் மேஜர் ஆபரேஷன் செய்து மாத்திரை வைத்தியங்களை தொடர்ந்து வந்து கொண்டு இருப்பீர்கள் . இந்த ராசிக்காரர்களுக்கு ஜீவன லாபதிபதியாகும் ஸ்ரீ சனிபகவான் அடுத்த 3 ஆண்டுகளுக்கு பாக்கிய ஸ்தானம்  என்று சொல்லப்படும் 9ம் இடத்தில் சஞ்சாரம் செய்து அருளயுள்ளார்.

      பாக்கிய விரய ஸ்தானாதிபதியாகிய ஸ்ரீ குரு  பகவான் தற்பொழுது 7ம் இடத்தில் அருள் புரிந்து வருகிறார். வருகின்ற ஆண்டுகளில் 8 மற்றும் 9ஆகிய இரண்டு ஸ்தானங்களில் சஞ்சாரம் செய்ய உள்ளார். ரோஷக்காரர், பாசக்காரர், கோபக்காரர் மற்றும் அவசரக்காரர் என்றால் அது மேஷராசிக்காரர்களே அது நீங்கள் தான். அதுமட்டுமா  சிரிக்க பேசும் சுபாவமும் பிறரை மகிழ்வித்து நீங்கள் சந்தோஷப்படுவீர்கள். உங்கள் பாசத்தினால் உறவினர்கள், சகோதரர்கள், சகோதரிகள், நண்பர்கள், என பெரிய கூட்டத்தை அமைத்து இருப்பிர்கள். விலை உயர்ந்த ஆடை, யாரும் பார்த்திராத டிசைன் மற்றும் ரகத்தை தேர்வு செய்து பிறரை உங்கள் பக்கம் திருப்பும் வண்ணம்  புதிய வண்ணத்தில் வேலைப்பாடுகள் நிறைந்ததை தேர்வு செய்து அணிந்து கொள்வதில் பிரியம் கொண்டவர்கள்.

      வாசனை திரவியம், கேளிக்கை, சினிமாத்துறை, சங்கீதம், விருந்து என்று ஏதாவது உங்களை முன்னிறுத்திக் கொண்டு ஈடுபடுவதில் அதிகம் ஆர்வம் உண்டு. பொதுவாக அஞ்சாத நெஞ்சம் படைத்த உங்களிடம் யாரேனும் உதவி கேட்டால் ஓடி  சென்று உதவும் கருணையும் இரக்கசுபாவமும் உண்டு. அளவு கடந்து தான தர்மம்,  கடன் வாங்கி கூட உதவி செய்தலும், ஆன்மிகப் பனி, மக்கள் பனி செய்வதிலும் ஈடுபாடு அதிகம். பெற்றதால் கொடுத்த வகை குறித்த  நேரத்தில் முடிக்க இரவு பகல் பாராமல் உழைக்கும் உழைப்பாளியாக இருப்பீர்கள். புகழ்  பெறவும் தொழிலில் முதன்மையாக இருக்கவும் பல வகையில் நீங்களே வருத்திக் கொண்டு செயலாற்றும் செயல்விரர்கள் என்றால் அது உங்களை தவிர யாரும் இருக்க  முடியாது.

      யாருக்கும் கட்டுப்படாத முரட்டு சுபாவம், பகை குணம், வீண் பிடிவாதம்,அஹங்காரம் இந்த குணங்கள் சில நல்லவர்களை  உங்களை விட்டுப்பிரிய செய்யும். கௌரவம், ஒளிவு மறைவு இல்லாத பேச்சு மற்றும் நல்ல பழக்க வழக்கத்தை இயல்பாக கொண்டுள்ளதால் உயர் பதவிகளை நீங்கள்  தேடி போக இருப்பினும் ஆடம்பர செலவு, அத்தியாவசிய செலவு என்று எதாவது மாறி மாறி கடன் வாங்கி செலவு செய்து கொண்டே இருப்பீர்கள்.

      மனைவி மீது காதலும், தாயின் மீது அளவு கடந்த பாசம் கொண்ட நீங்கள் குடும்பத்தின் முன்னேற்றத்திற்கு உழைத்து கொட்டிக்கொண்டே  இருப்பீர்கள். இருப்பினும் வீட்டில் நல்ல பெயர் பெரிதாக இருக்காது. பொதுவாக மேஷராசி கணவன்கள் மனைவிக்கு மருத்துவச்  செலவு எதாவது செய்து கொண்டே இருக்கும் நிலை அனைவருக்கும்  இருக்கும்.  நடுநிலையான கல்வி ஞானம் பெற்ற நீங்கள் இன்பத்தையும் துன்பத்தையும் சமமாக  பாவிக்கும் பக்குசாலிகள் ஆகும். இன்பத்தை அதிகம் விரும்பும் நீங்கள் அதை தேடி தேடி சோர்ந்து விடுவீர்கள். உங்களுக்கு விருப்பமான இன்பவாழ்வை நோக்கிய உங்கள் தேடல், முயற்சி, ஆர்வம், ஆசை நாளுக்கு நாள்  தூண்டப்பட்டு மனதில் நீங்கள் வடிவமைத்தபடி கிடைக்க அமைதி பொறுமை அவசியமாகும். அந்த  நாள் மிக அருகில் உள்ளது. வெற்றி கிடைக்கும். கவலை வேண்டாம்.

       வருகின்ற 4.10.2018 முதல் துலாராசியில் இருந்து விருச்சிகராசிக்கு பிரவேசிக்கும் காலம் உங்களுக்கு அஷ்டமகுரு  பிரவேசிப்பது சிறு சிறு தடங்கல்களை ஏற்படுத்தும். இந்த கால கட்டத்தில் அவசர முடிவு எடுப்பதை  தவிர்ப்பது நன்மையை  கொடுக்கும். 13.02.2019 முதல் ஸ்ரீ ராகுபகவான் 3ம் இடத்திலும் ஸ்ரீ கேது பகவான்  9ம் இடத்திலும்  பிரவேசிப்பது கூடுதல் முன்னேற்றத்தை கொடுக்கும்.

       மனதில் புதிய எண்ணங்கள் ஏற்படும் அதன் மூலம் தனி உற்சாகத்துடன் செயல்படுவீர்கள். சந்தேகத்துடன்  செயல்பட்ட  நீங்கள் துணிச்சல் முடிவுகளை எடுப்பீர்கள். அன்னிய தேசம் அல்லது அண்டை மாநிலத்தில் உள்ளவர்களின்  தொடர்பு கிடைக்கும். அதன் மூலம் வியாபார அபிவிருத்தி உத்தியோக வாய்ப்புகள் கிடைக்கும். இசைத்துறை, கலைத்துறை, இலக்கியத்துறையில் இருப்பவர்களுக்கு கூடுதல் வாய்ப்புக்கள், அரசு விருது கிடைக்கும். உத்தியோகத்தில் இப்பவர்களின் அதிகாரம் மேம்படும். சகல காரியத்திலும் தாமதம் இன்றி  வெற்றி ஏற்படும். மேலும் 9ம் வீட்டில் இருக்கும் ஸ்ரீ கேதுவால் புதிய பதவிகள் கிடைக்கும். பொது விஷயங்களில் தர்மத்தை  நிலைநிறுத்தி மக்கள் மத்தியில் பிரபலத்தையும் புகழையும் பெற முடியும்.

        ஆன்மிகப் பணிகள், பெற்றோருக்கு பணிவிடை, குருமார்களுக்கு சேவை இவைகளால் ஆசியும், அருளும் கூடும். புதிய அறிவாற்றலை பெற வெளியூர் செல்ல நேரிடும். கற்று அறிந்தபின்னர், சான்றோர் சபையில் தக்க தருணத்தில் வெளிப்படுத்தி  சமூக அந்தஸ்தை பெறுவீர்கள். அரசு துறைக்கு ஆலோசனைகள் வழங்கும் வாய்ப்பு கூட கிடைக்கலாம். பணம் சம்பாதிப்பதைவிட புகழ் பெரும் ஆர்வம் அதிகரிக்கும். இவ்வாறு ஸ்ரீ கேதுபகவான்  நல்ல மார்க்கத்தையும் அதன் மூலம் மன அமைதியையும் வழங்க உள்ளார்.

        மேலும் 29.10.2019 முதல் குரு பகவான் 9ம் இடத்தில் சஞ்சரிப்பதும் உங்களுக்கு கூடுதல் நன்மைகளை தரப்போகிறது. பொருளாதார வளர்ச்சியில் தன்னிறைவையும் சேமிப்பையும் உண்டாக்கும். வழக்கு விவகாரங்களில்  உங்களுக்கும் சாதகமாக வெற்றி நிலை ஏற்படும். அரசாங்க வகையில் அனுகூலங்களை வரும். ஆடம்பர பொருள் சேர்க்கை ஏற்படும். பிள்ளைகள் வழியில் பூரிப்பைக் கொடுக்கும். வெளியூர் பயணம் எதிர்பார்த்த  ஏற்றத்தை கொடுக்கும். விவசாயிகள் நவீன கருவிகளை வாங்கி அதன்முலம் கூடுதல் விளைச்சலை  பெறுவார்கள். மாணவர்கள் கல்வியில் ஊக்கத்தோடும் உற்சாகத்தோடும் படித்து ஆசிரியர்களின் பாராட்டுதல்களை  பெறுவார்கள். புதிய சொத்துக்கள் வாங்குவார்கள். சில அரசியல்வாதிகளுக்கு புதிய கௌரவத்  பதவிகளும் பொறுப்புகளும் கிடைக்கும். அதன் மூலம் மக்கள் சேவையைச் சிறப்பாக செய்வார்கள்.

        15.11.2020  முதல் குருபகவான் 10ம் இடத்திற்கு பிரவேசிக்கிறார். இந்த காலகட்டம் நன்மையையும், தீமையையும் கலந்த பலன்களாக அமையும். பொதுவாக இராசியில் மேஷம் என்பது முதல் ராசி, உங்களை எதிலும் முதலிடம் பெற வேண்டும் என்று  மனதில் நினைக்க வைத்து, அதுபோல் சாதித்து வழக்கம் போல் வெற்றியையே  பெறுவீர்கள். பிறரை நம்பும் உங்கள் சுபாவத்தை சற்று மாற்றி நீங்களே நேரில் களப்பணி ஆற்றுங்கள். முன்பைவிட வெற்றி கனியை அல்ல வெற்றி கனிகளைக் குவிப்பார்கள். உங்கள் ராசிநாதன்  செவ்வாயின் அருளால் தானம், தான்யம், அன்பு, ஆனந்தம், மனநிறைவு மற்றும் நிம்மதிக்கு ஆகிய 9 விதமான  அருள்பெற்று சிறப்புடன் திகழ வேண்டி பிரார்த்தித்து  வாழ்த்துகிறேன். பொதுவாக அனைத்து கிரஹ அமைப்புகளையும்  ஆராய்ந்து பார்த்ததில் சுமார் 80% நன்மையான பலன்களும் 20% தீமையான பலன்களும் கிடைக்கும் வாய்ப்பு உள்ளது.

பரிகாரம்

     குலதெய்வ வழிபாடு, இஷ்டதெய்வ வழிபாட்டுடன், முருகப்பெருமான் வழிபாடு செய்ய வேண்டும்.

வாழ்க வளமுடன்  

உதவி தேவைக்கு :

ஜோதிட ரத்னா ஓம் சந்தோஷ்

Follow us

For fequent updates and information, Please feel free to follow us.

Newsletter