Megamall

Skip to Main Content »

Welcome to our Your Astrology!
 

You have no items in your shopping cart.

Click here உங்கள் ஜாதக கட்டம் , ஆயுள் பலன்கள் , திருமணம் ,தொழில், காதல்,மற்றும் அனைத்து பலன்களும் அடங்கிய 115 பக்கங்கள் கொண்ட புத்தகம் ரூபாய் 400/$10 க்கு கொடுக்கபடும். Click here

You're currently on:

கடகம்

     நட்சத்திரங்களில் புனர்பூச, பூச, ஆயில்ய தில் பிறந்தவர்களும், உதய லக்னமாகிய கடக லக்கினத்தில் பிறந்தவர்களும், சந்திரனை அதிபதியாகக் கொண்ட கடகராசி நேயர்களாவார்கள்.

      இந்த ராசிக்காரர்களுக்கு சப்தம அஷ்டம ஸ்தானாதிபதியாகிய சனிபகவான் சுப ஷஷ்டம ஸ்தானம் என்று சொல்லப்படும் 6ம் இடத்திற்கு சஞ்சாரம் செய்து நன்மைகளை தர உள்ளார்.

       பாக்கிய விரய ஸ்தானாதிபதியாகிய குருபகவான் தற்போது சுகஸ்தானம் என்று சொல்லப்படும் 4ம் இடத்தில் அர்த்தாஷ்டம குருவாக இருந்து அருள்புரிந்து வருகிறார். வருகின்ற ஆண்டுகளில் 5 மற்றும் 6 இடங்களில் சஞ்சாரம் செய்து அருள உள்ளார். கடந்த 2 1/2 ஆண்டுகளில் எவ்வளவோ பிரச்சனைகள் சஞ்சலங்கள் ஜீரணிக்க முடியாத சூழல்களை கூட லாவகமாக, வழக்கமான சாதுர்யமான பேச்சற்றலால் யாரோடும் ஒப்பிட முடியாத மனோதிடத்துடன் சமாளித்து விட்டீர்கள். இன்னும் சொல்லப்போனால் உங்கள் பிடிவாத குணம், உங்கள் திறமையின் மீது கொண்ட வைராக்கியம் மற்றவர்களை ஓரம்கட்டிவிட்டு ஆளுமை திறனுடன் மேம்பட்ட நிலைக்கு உங்கள் தொழில், உத்தியோகம், வியாபாரம் கொண்டு செல்ல  வழி வகுத்து விட்டீர்கள்.

       கடகராசிக்கு அதிபதியாக விளங்குபவர் சந்திர பகவான். அந்த சந்திரன்தான் பரமேஸ்வரனின் சிரசில் உள்ள கிரீடத்தையே அலங்கரித்துக் கொண்டு ஒளிவீசச் செய்து அழகு சேர்க்கிறார். அப்பேற்பட்ட சந்திர பகவானுக்கு 12 ராசிகளில் ஒரு ராசி ஒதுக்கப்பட்டுள்ளது. அது உங்களின் கடகராசி தான். அப்பேற்பட்ட கடக ராசியில் உச்சம் பெற்ற குரு தற்போது 4ம் இடத்திற்கு வந்து இருப்பது கூடுதல் பலம் என்றே சொல்ல வேண்டும். மேலும் சனீஸ்வர பகவானின்  பார்வைக்கு தனிச்சிறப்பு உண்டு. அந்த வகையில் 8ம் இடத்தை 3ம் பார்வையாலும், 12ம் இடத்தை 7ம் பார்வையாலும், 3ம் இடத்தை 10ம் பார்வையாலும் பார்க்கிறார்.

       குடும்பத்தில் நிம்மதி பொருளாதாரத்தில்  முன்னேற்றம் என இரண்டுமே இருக்கும். கணவன் மனைவி இடையே  இருந்த கருத்து வேற்றுமைகள் மறைந்து அந்நியோன்யம் அதிகரிக்கும். இல்லத்தரசிகளின் மனம் மகிழ்ச்சி அடையும். மேலும் மனைவியின் வழிகாட்டுதல்கள் மூலம் பலவிதமான ஆதாயங்களை பெறுவீர்கள். கவலை என்ற மூன்றெழுத்து உங்களை விட்டு விலகி வளமை, நன்மை, புதுமை உங்கள் வாழ்வில் வந்து சேரப்போகிறது.

      வாராக்கடன்கள் வந்து சேரும். உத்தியோகத்தில் உள்ளவர்களுக்கு சம்பள உயர்வு கிடைக்கும். இது நாள் இருந்த தடைகள் நீங்கி, வேலையில் ஈடுபாடு, புதிய பொறுப்புகள் வந்துசேரும். நீங்கள் போட்டு வைத்த கணக்குகள் அதே  வரிசையில் திட்டமிட்டபடி ஒன்று ஒன்றாக நிகழ்வது மன மகிழ்ச்சியை தரும். உயர் அதிகாரிகள் உங்கள் ஆர்வத்தையும்,  செயல்திறமையையும் கண்டு வியந்து பாராட்டுவார்கள். வியாபாரத்தில் இருந்த தேக்க நிலைகள்  மாறும். உங்களிடம் தொழில் கற்றவர்கள் உங்களுக்கே போட்டியாக இருந்து செய்து வந்த இடையூறுகள்  நீங்கும். உங்கள் முன்னேற்றத்தை வியாபார ரீதியாக தடுத்தவர்கள், தடம் மாறி இடம் மாறி காணாமல்  போவார்கள்.

     முடங்கி இருந்த தொழில்கள் தற்பொழுது புதுவேகம் எடுக்கும். பல காரணங்களால் வியாபாரத்தில் ஆர்வம் இல்லாமல் இருந்த நீங்கள் தற்போது அதையே புதிய விதத்தில் விரிவு படுத்துவதுடன் தற்போது உள்ள சந்தைக்கு தக்கவாறு வியாபாரத்தை  நவீனப்படுத்தி அதிகமான வாடிக்கையாளர்களை உங்கள் பக்கம் திருப்பி அபிவிருத்தி  செய்து லாபம் பெறுவீர்கள். அரசு ரீதியாக, தொழிலாளர்கள் ரீதியாக இருந்த தடைகள் நீங்கும். குறிப்பாக சனீஸ்வரபகவானின்  12ம் பார்வை, உங்கள் நீண்ட நாள் லட்சியமான வீடுகட்டும் எண்ணத்தை பூர்த்தி செய்து ஆனந்தப்படுவார். சொத்துக்களில் இருந்த வில்லங்கம் விலகி சொத்து கைக்கு வரும். மேலும் நீங்கள் எங்கு கட்ட வேண்டும் என்று விரும்பினீர்களோ  அதே இடத்தில் வீடு கட்டி மகிழ்வீர்கள்.

  உடல்நலம் முன்பைவிட உற்சாகமுடனும், புதுத்தெம்புடனும் இருக்கும். சிகிச்சைப் பெற்றவர்களும் பூரண ஆரோக்கியம் பெறுவார்கள். குடும்ப சூழ்நிலையில் நல்லதொரு முன்னேற்றமும், வளர்ச்சியும் இருக்கும். புதிய ஆடை, தங்கம் வெள்ளி ஆபரணங்கள், ஆடம்பரப் பொருட்கள் வாங்கும் யோகமும், வீடு கட்டும் யோகமும், வீடு வாங்கும் யோகமும் உண்டாகும். புதிய வாகனமும் லட்சுமி கடாட்ஷத்துடன், ஐஸ்வர்யத்தையும் கொடுப்பார்.

      வேலைக்காரர்கள் நம் சொல்லைக் கேட்டு நமது வளர்ச்சிக்கு உறுதுணையாக இருப்பார்கள். யோசனைகளை சொல்வதோடு  உதவியாகவும் இருப்பார்கள். பூர்விக சொத்துக்களில் தீர்க்கப்படாமல் இருந்த சிக்கல்கள் தீரும். அலைச்சல் குறைந்து காரியங்கள் நல்லவிதமாக முடியும். நல்லவர்கள் நட்பு கொள்வார்கள். பண  வசதிகள் உயர்வதால் பொருளாதார சிக்கல்கள் மறைந்துவிடும்.

     பலர் சென்று பார்த்துவிட்டு முடிக்க முடியாத காரியத்தை உங்கள் பேச்சு, சாமர்த்தியத்தால் முடிப்பீர்கள். எப்பொழுதும் நல்லது செய்ய வேண்டும். தர்மம் செய்ய வேண்டும். உங்களுக்கு இறைவன் அருள் எப்பொழுதும் இருக்கும். 

   உங்கள் இஷ்ட தெய்வமும், குலதெய்வமும் உங்கள் இல்லத்தில் குடிகொண்டு அருளாட்சி நடத்தும், தொழிலில்  முன்பிருந்த எதிர்ப்புகள் மறைவது கண்முன்னே தெரியும். மேல் அதிகாரிகள் உத்தியோக ரீதியாக உங்கள் திறமையை முன் நிறுத்தி  மற்ற சக ஊழியர்கள் முன் உங்கள் பெருமையை பறைசாற்றுவார்கள். மேலும், நீங்கள்  இருக்கும் இடத்தில் கூட சந்தோசம் நிலவுவதை உணர முடியும். இன்னும் சொல்லப்போனால் உங்களின் திறமையும், கீர்த்தியும் பிரகாசிக்க  கூடிய நல்ல நேரம் இதுவே ஆகும்.

      தற்போது சாயா கிரஹங்களில் ராகுபகவான் உங்கள் ராசியில் ஜென்ம ராகுவாகவும், கேது பகவான் 7ம் இடத்திலும் இருந்து அருள் பாலித்து வருகின்றனர். ஓடி ஓடி உழைக்கும் உங்களுக்கு எப்பொழுதும் நன்மையே நடக்கும். யார் எதை பேசினாலும் அதை அதிகம் அலட்டிக் கொள்ளாமல் உங்கள் செயல்பாட்டில் கவனமாக இருங்கள். எந்த பிரச்சனை வந்தாலும் யாரும் கண்டுபிடிக்க முடியாத சாதுர்யத்துடனும் உங்களுக்கே உரிய பாணியில் முடிப்பீர்கள்.

      சுய தொழில் தொடங்க  பல வகையில் உதவிகள் கிடைக்கும். அஜீரணம், முதுகுவலி போன்றவற்றால் அவதிப்பட்டவர்கள்  நிவாரணம் கிடைப்பதோடு அவை வந்த வழி தெரியாமல் நலம்யாவும் வீடு வந்து சேரும்.

    வருகின்ற 4.10.2018 முதல் குருபகவான் 5ம் இடத்தில் பிரவேசிக்கிறார். குடும்பத்தில் சுபிட்சம், கணவன் மனைவிக்கிடையே  ஒற்றுமை, பிள்ளைகள் மூலம் நன்மைகளும், மகிழ்ச்சியும், பெருமையும் ஏற்படும். சகோதர சகோதரிகளிடம் இருந்து வந்த கருத்துவேறுபாடுகள் நீங்கி இணக்கமான  சூழ்நிலை ஏற்படுவதோடு பேசாமல் இருந்தவர்கள் மீண்டும்  பேசுவது தனி தெம்பையும் மனதில் புத்துணர்ச்சியையும் கொடுக்கும்.

      திருமண வயதை அடைந்தவர்கள், தள்ளி போன வரன்கள் வருவதோடு மிக நல்ல முறையில் பிரமிக்கின்ற வகையில் திருமணம், சுபநிகழ்ச்சிகள் நடைபெறும். புத்திர சந்தனப்பிராப்தி கிடைக்கும். வெளிவட்டார பழக்கத்தினால் அனுகூலமான  பலன்கள் ஏற்படும். உத்தியோகம், வியாபாரம் என்று அனைத்திலும் மேம்பட்டு பணம் சம்பாதித்து லாபம்  பெறுவார்கள். மாணவர்கள் கல்வியில் சிறந்து மேல்படிப்பு, புதிய சூழல், புதிய நண்பர்கள், புதிய பாடம் வெளிநாடு செல்லும் அமைப்பு போன்ற அனைத்தையும் பெறுவதோடு ஆசிரியர்கள், பயிற்சியாளர்கள் ஆதரவோடு  நல்ல மதிப்பெண் பெற்று தேர்ச்சி பெறுவார்கள்.

      வருகின்ற 13.02.2019 முதல் யோககாரகன் ஆனா ராகுபகவான் 12ம் இடத்திற்கும் ஞான மோட்சக்காரகனாக கேது பகவான் 6ம் இடத்திற்கு பிரவேசித்து அருள உள்ளார்கள்.

    12ம் இடத்தில் ராகுவின் சஞ்சாரம் வெளியூர் பயணங்களையும், நல்ல அனுபவங்களையும் ஏற்படுத்தி கொடுக்கும். வெளியூர் செல்லும் காலத்தில் குடும்பத்தினரை பிரிந்து இருப்பது சில நேரங்களில் சலிப்பை கொடுக்கும். இருப்பினும் உத்தியோகம், வியாபாரம், தொடர்பான பயணங்கள் அமைவதால் முன்னேற்றத்தை கொடுக்கும். ஆடம்பர பொருட்களில் மோகம் கூடும். ஸ்திரிகளால் சில பிரச்சனைகள் வர வாய்ப்பு உள்ளது. உங்கள் ரகசியங்கள் உங்கள் நெருங்கிய நண்பர்களால் வெளி உலகுக்கு தெரிய வரும். அரசாங்கத்தின் புதிய உத்தரவு, புதிய வரிவிதிப்பால் கூடுதல் வரிசுமையை ஏற்க நேரும். இது வியாபாரத்தில் உள்ளவர்களுக்கு சுமையாக தெரியும். வெளிநாடு பயணங்கள் இன்ப சுற்றுலா செல்லும் வாய்ப்பு மனத்திற்கு சந்தோஷத்தை தரும்.

     6ம் இடம் கேது தொழிலில் நிரந்தர வருமானத்தை ஏற்படுத்தி கொடுப்பார். வாழ்க்கையில் வசதிகளை அனுபவிக்க  தகுந்த சூழ்நிலைக் கொடுப்பார். எதிரிகளின் சூழ்ச்சிகள் முன்பே தெரிவதால் எளிமையான வெற்றிகள் கை கொடுக்கும். தடைகளை தகத்தெரியும் ஆற்றல் அதிகரிக்கும். சமூக பணிகளில் ஈடுபட்டு சிறப்பாக  செய்து, மக்கள் மத்தியில் அந்தஸ்து அதிகரிக்கும். சேவைகளில் ஈடுபட்டு அரசு அதிகாரிகள், அரசியல் பிரமுகர்கள் மூலமாக பரிசும் பாராட்டும் கிடைக்கும்.

      உங்கள் சமூகத்தின் வளர்ச்சிக்கு உதவி செய்து உங்கள் பாரம்பரியத்தின் சிறப்பை பிரகடனப்படுத்தி அதன்முலம் பிரபலம் அடைவீர்கள். மேலும் சனீஸ்வர பகவானின் பார்வை பலம் பெறுவதால் விளையாட்டு துறையில் உள்ளவர்கள்  போட்டிகளில் இதுவரை யாரும் பெறாத வெற்றிகளை பெறுவார்கள். சினிமா துறையினர், பல சாதனைகளை  படைப்பார்கள். படம் வெளிவருவதில் இருந்த இழுபறி நிலைமாறி எதிர்பாராத வெற்றிகளை பெற்று ரசிகர்களை  தம் பக்கம் கவர்ந்து இழுப்பார்கள்.

   வருகின்ற 29.10.2019 முதல் குருபகவான் சத்ரு, ருண, ஸ்தானம் என்று சொல்லப்படும் 6ம் இடத்திற்கு பிரவேசிக்கிறார். உச்சம் பெற்ற குருவாக இருப்பதால் அவரின் அருள் பார்வையால் உச்சநிலையில் வெற்றி பாதையில் தொடர்ந்து பயணிக்க செய்வார். இந்த காலகட்டத்தில் அனைத்து துறையில் உள்ளவர்களும் திட்டமிட்டு, தகுந்த நபரிடம் ஆலோசனைகள் பெற்று, அனுபவத்தை கற்று பின் முதலீடு செய்ய வேண்டும். லாபம் வேண்டும் என்பதால் தவறான வழியினை பின்பற்றி பின் கவலைப்பட்டு பிரயோஜனம்  இல்லை. பொதுவாக அனைத்து கிரஹங்களின்  சஞ்சாரம் அற்புதமான அமைந்து உள்ளது.

     மீண்டும் 27 ஆண்டுகளுக்கு பிறகுதான் இந்த பொன்னான காலம் வரும். எனவே, இதனை நழுவ விடாமல் நல்ல முறையில் பயன்படுத்தி  வெற்றி பெற வாழ்த்துக்களை தெரிவித்துக் கொள்கிறேன். அனைத்து கிரஹ அமைப்புக்களை  கோட்சாரப்படி 85% நன்மை பலன்களும், 15% தீமையான பலன்களும் நடைபெறும் வாய்ப்பு உள்ளது.

பரிகாரம்

    குலதெய்வ வழிபாடு, இஷ்டதெய்வ வழிபாடு அவசியம். பழனி முருகனுக்கு அபிஷேகம் செய்ய வேண்டும். கும்பாபிஷேகத்திற்கு முடிந்த அளவிற்கு உதவி செய்யவும்.

உதவி தேவைக்கு :

ஜோதிட ரத்னா ஓம் சந்தோஷ்

Follow us

For fequent updates and information, Please feel free to follow us.

Newsletter