Megamall

Skip to Main Content »

Welcome to our Your Astrology!
 

You have no items in your shopping cart.

Click here உங்கள் ஜாதக கட்டம் , ஆயுள் பலன்கள் , திருமணம் ,தொழில், காதல்,மற்றும் அனைத்து பலன்களும் அடங்கிய 115 பக்கங்கள் கொண்ட புத்தகம் ரூபாய் 400/$10 க்கு கொடுக்கபடும். Click here

You're currently on:

மகரம்

     நட்சத்திரங்களில் திருவோணம் 2,3 அல்லது 4 பாதங்கள், உத்திராட மற்றும் அவிட்டம் முதல் இரண்டு பாதங்களில் பிறந்தவர்களும், உதய லக்னமாகிய மகரலானத்தில் பிறந்தவர்களும், சனிபகவானை அதிபதியாகக் கொண்ட மகரராசிக்கு உரியவர்கள்.

     இந்த ராசிக்காரர்களுக்கு ஜென்ம ஸ்தானாதிபதியாகிய சனிபகவான் அடுத்த மூன்று ஆண்டுகளுக்கு அயன, சயன மற்றும் விரயச் சனியாக 12ம் இடத்திற்கு சஞ்சரிக்கின்றார். விரய ஸ்தானாதிபதியாகிய குருபகவான் தற்போது ஜீவனஸ்தானமாகிய 10ம் இடத்தில் இருந்து அருள் புரிந்து வருகிறார். வருகின்ற ஆண்டுகளில் 11 மற்றும் 12ம் இடத்தில் சஞ்சாரம் செய்து அருள உள்ளார்.

     பல தொழில்களில் ஆசைப்பட்டு விரிவுபடுத்துவதில் விருப்பம் இருக்காது. ஒரே தொழிலை ஓஹோ என்று உலகம் மெச்சும்படி செய்து காட்டி, எட்டுத்திக்கும் புகழை பிரகாசிக்க வைத்து இருப்பவர்கள். இரக்கசுபாவம் அதிகம் பெற்ற மகர ராசிக்காரர்கள் பிறரின் துன்பத்தை பார்த்து கண்ணீர் வடிப்பீர்கள். உணர்ச்சி வசப்படுதல் என்பது அதிகம் உண்டு. பல பிரச்சனைகளை பயத்தின் காரணமாக சந்திக்க தயங்குவார்கள். ஆனால் மகர ராசிக்காரர்களை கோழைகள்  என்று சொல்ல முடியாது.

     மகர ராசிக்காரர்களோடு வழக்குக்கு சென்றால் தோல்வி நிச்சயம், பொதுவாக மௌனமாக இருந்து காரியத்தில் சாதிப்பார்கள். இவர்கள் பேச வேண்டிய நேரத்தில் பேச வேண்டிய விதத்தில் நிதர்சன, யதார்த்த உலகவியல் உண்மைகளை நிறுத்தாமல் உரக்க பேசுவதில் கெட்டிக்காரர்கள். அனுஷ்டானம், தெய்வ நம்பிக்கை,  ஆச்சாரத்தை  ஈடுபாட்டுடன் கட்டிப்பிடித்து தனி கொள்கை பிடிப்புடன் இருப்பார்கள். இவர்களிடம் கோபகுணமும் உண்டு. அதே சமயத்தில் சாந்த ஸ்வரூபியாகவும் உடனே மாறி கடசி கொடுப்பார்கள்.

     பணம் வசதி எல்லாம் பெற்ற இவர்கள், அவ்வப்போது ஆடம்பரங்களுக்கு இடம் தராமல் கஞ்சத்தனமாகவும் ஒன்றுமே இல்லாதது போல் தோன்றி கடசி கொடுப்பர். மிகப்பெரிய உதவிகளை கூட விளம்பரம் இல்லாமல் செய்யும் கருணை  உள்ளம் கொண்ட கருணாமூர்த்தியாகவும் மாறுவார்கள். இப்படி உங்களின் குண நலன்களை  எழுத இந்த புத்தகம் போதாது. இவ்வாறு பெருமைகளுக்கு உரிய மகர ராசிக்காரர்களே

     கடந்த 2 1/2 ஆண்டுகளில் என்னென்ன செய்ய முடியுமோ அனைத்தையும் கிட்டத்தட்ட 80% கச்சிதமாக முடித்து ஒன்றுமே செய்யாததுபோல் முகத்தை வைத்துக்கொண்டு,  மீதியை முடிக்க முயற்சி செய்து கொண்டு இருப்பீர்கள். குடும்பத்தில் குதூகலம், வியாபாரத்தில் முதலீடு, புதிய வியாபாரம் என பல வகையில் லாபம் பெற்று இருப்பீர்கள். இன்னும் சொல்லப்போனால் தொழிலதிபர்கள், விவசாயிகள், தொழிலாளர்கள் அரசியல் மற்றும்  கலைத்துறையை சார்ந்தவர்கள், மருத்துவ, மின்துறையை  சார்ந்தவர்கள், என அனைவரும் நல்ல முன்னேற்றம் பெற்று உத்தியோக உயர்வு லாபம்  அடைந்து இருப்பீர்கள். ஸ்தாவர, ஜங்கவ சொத்துக்கள், ஆடைகள், ஆபரணங்கள், புதிய வாகனங்கள் முதலியவற்றுடன்  ஆடம்பர வாழ்க்கை வாழத்தொடங்கி இருப்பீர்கள். அரசியல்வாதிகள் அதிகார தோரணை காட்டி, கடுமையான செயல்களை அஞ்சாமல் செய்து, பல போராட்டங்களையும் நடத்தி அரசியல் முன்னேற்றமும் பெற்று இருப்பீர்கள்.

     இன்னும் வாழ்க்கையின் குறிக்கோளான வீடு கட்டும் எண்ணத்தையும் தொடங்க வரைபடம் போட்டு அஸ்திவார பணிகளை துவங்கி இருப்பர்கள். வீடு கட்டியவர்கள் விரிப்படுத்தும் வேலையையும் அழகு சேர்க்கும் வேளையிலும் ஈடுபட  உள்ளீர்கள். எல்லாம் சரி தற்போது 7 1/2 சனி 19.12.2017 முதல் துவங்கி ஸுமார் 7 1/2 ஆண்டுகள் உங்கள் ராசிநாதனின் சஞ்சாரம் துவங்க உள்ளது.

     12 சனிவந்தால் பல விதத்தில் விரயம் என்பார்கள். வண்டியின் சக்கரம் மேலும் கீழும் சுற்றிக்கொண்டே இருக்கும்,அதுபோல் இன்பமும் துன்பமும் கலந்து வருவதுதான் மனித வாழ்க்கை. தற்போது சனிபகவான் விரய ஸ்தானத்தில் சஞ்சரித்து விட்டாரே  என்று மனம் கலங்க வேண்டாம். எடுக்கின்ற காரியம் அனைத்தையும் ஆண்டவனை வேண்டிக்கொண்டு செய்யும் பழக்கத்தை வைத்துக்  கொள்ளுங்கள். வெற்றியும் தோல்வியும் இறைவன் அருள் என்பதை நினைத்து செயல்படுங்கள்.

    கிரகங்களின் எந்த கிரகத்திற்கும் கிடைக்காத பட்டம் உங்கள் ராசிநாதனுக்கு உண்டு. எல்லா கிரகத்தையும் பகவான் என்று சேர்த்து அழைப்போம். ஆனால் உங்கள் ராசிநாதனை மட்டும் சனீஸ்வரபகவான் என்று ஈஸ்வரபட்டத்தோடு சேர்த்து அழைக்கின்றோம். அதுமட்டுமா ஆயுளை நிர்ணயிக்கும் கிரகம், அதனால் ஆயுசிக்காரகன்  என்ற சிறப்பு பெயரும் அவருக்கு மட்டும்தான். உங்களுக்கு சோதனைகளை கொடுத்தாலும்  இடையிடையில் சாதனைகளை நடத்துவீர்கள்.

     முதலில் இந்த காலகட்டத்தில் ஒரு முக்கியமான விஷயம் என்னவென்றால் இதுவரை பல வருடங்களாக குருவி சேர்ப்பது போல் சேர்த்த பணத்தை உடன் செலவு செய்ய காரணம் ரெடியாக உள்ளது. தினமும் பணம் இருக்கும் லாக்கரை  திறந்து பார்த்தால் சேமித்த பணம் செலவு ஆகிவிடும். இந்த லாக்கரை திறக்காமல் வெள்ளி, செவ்வாய் சாம்பிராணி போட்டுசூடம் ஏற்றி செலவு செய்யாமல் கும்பிடு போட்டு  வணங்கி வந்து இருப்பீர்கள். இனிமேல் அது நடக்காது. சுப விரயமோ, அசுப விரயமோ கட்டாயம் பணச் செலவு வந்தே தீரும்.

    அது மட்டுமல்ல உங்கள் ராசியில் நீச்ச ஸ்தானத்தில் இருக்கும் அந்தணன் எனும் குரு  10ம் இடத்தில் இருந்து கொண்டு 2,4 மற்றும் 6 இடத்தில் பார்வை செலுத்தி வருகிறார். மேலும் உங்கள் ராசிநாதன் சனீஸ்வர பகவான் 6,9 மற்றும் 2 ஆகிய இடங்களை பார்த்து வருகிறார். ஆனால் இன்னும் ஒரு ஆறுதலான விஷயம் என்னவென்றால் இதுநாள் வரையில் பலவிதத்தில் உங்களுக்கும்,  குடும்பத்தினருக்கும் ஆரோக்கிய குறைபாடுகளை கொடுத்து வந்த 8ம் இடராகு தற்போது 7 ம் இடத்திலும், உங்களின் செயல்திறனையும், ஆளுமை தன்மையையும்  மறக்க செய்த 2ம் இடம் கேது உங்கள் ராசிக்கே பிரவேசித்து விட்டார்கள்.

        இருப்பினும் உங்கள் ராசிநாதனுக்கு தனகாரகன் குருபகவான் என்பதால் 10இடத்தில் இருந்தாலும் உங்களை  பந்தாடமாட்டார். 10ல் அந்தணன் வந்தால் பதவி ஆபத்து என்று சொல்லுவார்கள். அது அவரின் அருள் பார்வையால் உங்களுக்கு பொருந்தாது. இருப்பினும் உங்கள் ராசிநாதன் நீதிகிரகம். இந்த பிறவி, முன் ஜென்மத்தில் செய்தது என்று அனைத்தையும் கணக்கில் வைத்து தனிச்சட்ட நீதிசாம்ராஜ்யத்தை  நடத்தி வருகிறார், எனவே விரயத்தை கொடுப்பார் என்றே வைத்து கொள்வோம். அப்படியானால் நிச்சயமாக பண வரவையும் அவரே கொடுப்பர். சனி கொடுப்பார் எவர் தடுப்பார் என்பார்களே எனவே அவர் நிச்சயம் அள்ளி  கொடுப்பார். ஆனால் அதை செலவு செய்யாமல் முதலீடாகவும், சுபசெலவாகவும் செய்ய வேண்டும்.

   இந்த காலகட்டத்தில்  உங்களுக்கு திட்டமிட்டு செலவு செய்யும் பக்குவத்தை உணரச்செய்து அருள்புரிவார்.

       ஆடம்பர செலவுகளை குறைத்து விடுங்கள். வீடு கட்டும் முயற்சிகளுக்கு வங்கிகள் மூலமாக மட்டுமே கடன் வாங்க வேண்டும். தனியாரிடம் அதிக வட்டிக்கு பணத்தை அவசர அவசரமாக வாங்குவது ஆபத்தை ஏற்படுத்தும். வாகனங்களில் கவனமாக செல்ல வேண்டும். இரவு பிரயாணத்தைத் தவிர்ப்பது நல்லது. வம்பு வழக்குகள் தவிர்த்து  சமாதான முறையைப் பின்பற்றுங்கள். தவறு நடந்தால் தட்டிக்கேட்க வேண்டும் என்று நினைக்கும் நீங்கள் காதை  பொத்திக்  கொண்டு, கண்களை மூடி கொண்டு செயல்பட வேண்டிய சூழல் ஏற்படும். எதையும் பார்த்தும் பார்க்காததுபோல் நடக்க வேண்டிவரும். உபதேசம் செய்யும் பழக்கத்தை படிப்படியாக குறைத்து கொள்ளுங்கள்.   

   எதற்கெடுத்தாலும் சந்தேகம், பிடிவாதம், கோபம் இவற்றிற்கு இடம் கொடுக்காமலிருந்தால், உறவினர்களும் நண்பர்களும் உங்கள்  பெருமையை பேசியபடி சுற்றி வருவார்கள். வீண் பிரச்சனைகளுக்கு இடம் தராதீர்கள். தீயவர்கள்  என்று தெரிந்தும், சிரித்து பேசி பழகும் நிலை கூட வரலாம். ஆயினும் எந்த விஷயத்திலும் நிதானமாக யோசித்து செயல்படவும், உத்யோகத்தில் இருப்பவர்கள் இஷ்டம்போல் செயல்படுவதற்கு  முற்றுப்புள்ளி வைத்து விடுங்கள். நிர்வாகம் சொல்லும் விதிமுறைகளை ஒன்று விடாமல் கடைபிடிப்பது தவிர வேறு வழியில்லை. பணியிட மாற்றம்  வாய்ப்பு உள்ளது.

     வெளியூர் பயணம் செல்லும்போது உடமைகளை கவனமாகப் பார்த்துக் கொள்ளுங்கள். கணவன் மனைவியிடையே சிறு ஊடலும், பின் கூடலும் ஏற்படும். உடல் நலனில் கூடுதல் கவனத்தோடு தகுந்த மருத்துவரை  கொண்டு, உரிய மருத்துவமனையில் ஆலோசனைகளைப்  பெற்று ஆரோக்கியத்தை பேணுவது நல்லது. அலட்சிய போக்கு பக்கவிளைவுகளை ஏற்படுத்தும். உஷ்ண உபாதைகள் மற்றும் வயிறு சம்பந்தமான பிரச்சனைகள் ஏற்படலாம்.

      வியாபாரிகள் முன்பைவிட கூடுதல் கவனத்துடன் கணக்கு வழக்குகளை பார்க்க வேண்டும். வாங்கும் பொருள்கள், விற்பனை இவை இரண்டையும் பிறரை நம்பி  விடவேண்டாம். அரசுவிதிகளை பின்பற்றி, உரிய பில் போட்டு வியாபாரம் செய்வது நன்மை பயக்கும். வீண் அலைச்சல், அலைக்கழிப்பைத் தவிர்க்க முடியாது.

   வருகின்ற 4.10.2018 முதல் குருபகவான் 11ம் இடத்தில் பிரவேசிக்கிறார். இந்த குருபகவான் பிரவேசமானது உங்களை  பிரச்சனைகளில் இருந்து தற்காத்து கொள்ளும் கவசமாக இருக்கப்போகிறது. சுபநிகழ்ச்சிகள் மனதில் புத்தொளியையும், புத்துணர்ச்சியையும் கொடுக்கும். பெண்கள் கணவன் மார்களின்  அன்பை பெற்று ஆடை, ஆபரணங்களை வாங்கி அணிந்து கொள்வார்கள். கருத்து வேறுபாடுகள் மறைந்து, காதல் வளரும். திருமணம் எப்போது நடக்கும் என்று வருந்தியவர்க்கு, குருபகவான் நல்ல  வரனை விரும்பிய வகையில் அமைத்துக் கொடுப்பார்.

      சமூகத்தில் நல்ல மதிப்பையும் அந்தஸ்தையும் பெறப்போகிறீர்கள். சிலருக்கு உத்தியோகத்தில் பதவி உயர்வும், சம்பள உயர்வும் கிடைக்கும். முன்பிருந்த பணிச்சுமை குறைந்து ஆர்வமுடன் பணியில் ஈடுபடுவீர்கள். உங்கள் மீது கொடுத்த பொய் புகாரில் உண்மை இல்லை என்று உலகிற்கு தெரியவரும். பாராட்டுக்கள், பரிசுகள், இவை இரண்டுமே கிடைக்கும். வெளிநாட்டு வேலை, இன்பசுற்றுலா, செல்லும் வாய்ப்பு கிடைக்கும். பிரிந்தவர்கள் ஒன்று கூடுவார்கள்.

       வியாபாரிகளுக்கு வியாபாரத்தில் தேக்க நிலைமாறி, லாபம் கிடைக்கும். கூடுதல் தொழில் தொடக்கி சம்பாதிப்பீர்கள். வெளிநாட்டுப் பொருள்களை வாங்கி விற்று லாபம் ஈட்டுவீர்கள். ஏற்றுமதி, இறக்குமதி இரண்டிலும்  உங்களை யாராலும் வெல்ல முடியாது. கணவன் மனைவி உறவில் அந்நியோன்யம் ஏற்பட்டு வீட்டில்  மழலை செல்வம் தவழும் காலம் இதுவேயாகும். தொட்டிலில் குழந்தை, பெட்டியில் பணம், கொட்டிலில் பசு  இவை மூன்றும் குரு  அருளாலே கிடைக்கும். ஏளனமாக முன்பு பேசியவர்கள் கூட பகை மறந்து, பணிந்து நண்பர்களாக மாறுவார்கள்.

     வருகின்ற 13.2.2019 முதல் ஆரோக்கிய காரகனான ராகுபகவான் 6ம் இடத்திலும் ஞானகாரகனான கேதுபகவான் 12ம் இடத்திலும் பிரவேசிக்கிறார். உங்களின் நட்பு கிரஹமாகிய ராகு பகவானின் பலன்கள், சனீஸ்வர பகவானின்  ஸ்தான பலன்களை போலவே அமையும். அந்த வகையில் தற்போது சில திடீர் பொருளாதார வரவுகளை ஏற்படுத்துவார். கொடுத்த பணம் மீண்டும் கைக்கு வரும். வரவேண்டிய பாக்கிகளை கேட்டதால் ஏற்பட்ட மனக்கசப்பு நீங்கும். வழக்குகளில் வெற்றி கிடைக்கும். புதிய இடத்தில் எதிர்பார்த்த உத்தியோகமும், பதவி உயர்வு கிடைக்கும். வியாபாரிகள் வெளி மாநில, வெளிநாட்டு பொருட்களை விற்று லாபம் பெறுவார்கள். முன்பு வெளிவட்டாரத்தில் இருந்த போட்டி, விரோத மனப்பான்மை எதிர்ப்புகள் விலகும்.

        தற்போது சனீஸ்வர பகவான் இருக்கும் அதே 12ம் இடத்தில் இந்த காலகட்டத்தில் கேதுபகவான் பிரவேசிக்கிறார். 12ம் இடத்தில் சனியோடு இருக்கும் கேது கிரகத்தால் சில வெளிநாட்டு பிரயாணங்கள் மேற்கொள்ளும் வாய்ப்பு கிடைக்கும். குழந்தைகள் வழியில் படிப்பு தொடர்பாகவோ அல்லது எதிர்காலத்திற்காகவோ  செலவினங்கள் ஏற்படும். குடும்ப பொறுப்புகளை இழுத்து போட்டுகொண்டு செய்து வந்த நீங்கள் ஏகாந்தமாக  விலகி நிற்பீர்கள். உறவினர்கள், சகோதர சகோதரிகளுக்கு, பிள்ளைகளுக்கு செலவு   செய்து மனதில் சலிப்பு தோன்றும். இருப்பினும் உங்களின் பாச உணர்வு மீண்டும் அந்த பந்தத்தில் இணைய செய்யும். கேதுவின் சஞ்சாரத்தால் ஸ்தலயாத்திரை, திவ்விய தரிசனத்தை நோக்கி புனித பயணம் செய்விர்கள்.

   வருகின்ற 29.10.2019 முதல் 14.11.2020 வரை குருபகவான் 12ம் இடத்தில் சஞ்சாரம் செய்கிறார்.    இந்த காலகட்டத்தில் பணவரவுகள் திருப்தியாக இருந்தாலும், எதிர்பாராத  வீண் விரயங்களை எதிர்கொள்ள நேரிடும். பணம் கொடுக்கல் வாங்கல் போன்றவற்றில் எச்சரிக்கையாக எழுதிக் கொண்டு செயல்படுவது நல்லது. குடும்பத்தில் இருந்த மருத்துவச்  செலவுகள் குறையும். பழைய கடன்கள் குறைந்து பொருளாதார நிலையில் படிப்படியான  முன்னேற்றம் ஏற்படும்.

     உத்தியோகத்தில் வேலை பளு கூடினாலும் வருமான உயர்வு ஏற்படும். வெளியூர் பயணங்களால் அலைச்சல் ஏற்பட்டாலும் ஆதாயமும் உண்டாகும். மறைமுக எதிர்ப்புகள் இருந்தாலும் சமாளித்து வெற்றி பெறுவீர்கள். கலைஞர்கள்  வெளிவர வேண்டும் என்று விரும்பிய திரைப்படம் ரிலீசாகி அரசு விருதை பெற்று தரும். அடுத்தவர் சொத்துக்கு ஆசைப்படாதவர், செயலாலும் தீங்கு  செய்ய கூடாது என்ற வைராக்கியத்துடன் வாழ்க்கையை நகர்த்தும் மகர ராசிக்காரர்களே  உங்கள் ராசிநாதன் உங்களுக்கு பெரிய தீங்குகளை இழைக்கமாட்டார். அதுபோல் பொங்கு சனி, தனக்கு சனியின் காலமாக இருந்தால் அதுபோல் சனீஸ்வர பகவான் உங்கள் சுய  ஜாதகத்தில் நல்ல ஸ்தானத்தில் இருந்தால் நிச்சயம் நன்மைகளை கொடுப்பார்.

     இந்த காலகட்டத்தில் உங்கள் உடல் ஆரோக்கியம், தாய்தந்தையர் உடல் நலத்திலும் அக்கறை கொள்வது அவசியம். எது செய்தாலும் பலமுறை யோசனை செய்து நல்ல முடிவாக எடுத்தால் ஆண்டவன் அருளால் எல்லா வெற்றிகளும் கிட்டும். இறைவன் தான் எல்லா காரியங்களுக்கும் காரணகர்த்தா என்பதை மனதில் கொண்டு அவரை நம்பிக்கையுடன் முழுமனதுடன்  பிரார்த்தனை செய்தால் உங்களுக்கு சௌக்கியங்கள் கிடைக்கும்.

     பொதுவாக அனைத்து கிரஹ அமைப்புக்களையும் பார்க்கும்போது சுமார் 42% நன்மைகளை பலன்களும் 58% தீமையான பலன்களும் கிடைக்கும்.

பரிகாரம்

   குலதெய்வ வழிபாட்டுடன், திருமலை ஸ்ரீ வெங்கடாஜலபதி மற்றும் நாமக்கல் ஆஞ்சநேயர் வழிபாடு அவசியம்.

வாழ்க வளமுடன்  

உதவி தேவைக்கு :

ஜோதிட ரத்னா ஓம் சந்தோஷ்

Follow us

For fequent updates and information, Please feel free to follow us.

Newsletter