Megamall

Skip to Main Content »

Welcome to our Your Astrology!
 

You have no items in your shopping cart.

Click here உங்கள் ஜாதக கட்டம் , ஆயுள் பலன்கள் , திருமணம் ,தொழில், காதல்,மற்றும் அனைத்து பலன்களும் அடங்கிய 115 பக்கங்கள் கொண்ட புத்தகம் ரூபாய் 400/$10 க்கு கொடுக்கபடும். Click here

You're currently on:

மிதுனம்

 

   மிருகசீரிஷம் நட்சத்திரம் 3, 4 பாதங்களிலும் ,திருவாதிரை நட்சத்திரம், புனர்பூசம் நட்சத்திரம் முதல் 3 பாதங்களில் பிறந்தவர்களும், உதயலக்னமாகிய மிதுன லக்கினத்தில் பிறந்தவர்களும், புதனை அதிபதியாகக் கொண்ட மிதுன ராசிக்கு உரிய நேயர்களாவார்கள்.

     இந்த ராசிக்காரர்களுக்கு சுபக்கிரகங்களுடைய பலம் இருப்பதால் கணக்கு எழுதும் அதிகாரியாகவும், ஆடிட்டராகவும்,  தனி அதிகாரியாகவும், வங்கிகளில் உத்யோகமும், ஆசிரியராகவும், வியாபாரியாகவும், தெய்வீக ஸ்தாபனங்களில் பணிபுரிபவராகவும், உபதேசம் செய்யும் குருவாகவும் விளங்குவார்கள்.

     புதனின் ஆட்சி வீடு மிதுன ராசியாகும். இந்த ராசியாபதிக்கு ஸ்ரீ சனிபகவான் நட்பு கிரகமாகிறார். மிதுனராசி காமாதிரிகோண  ராசியாகும். காற்றுத் தத்துவத்தைச் சார்ந்தது. மேற்குத் திசையைக் குறிக்கும். அறிவுத்திறன் கொண்டும், நட்பு கொண்டும், நல்ல விதமாகப் பேசியும்  தன்னுடைய திறனை வெளிப்படுத்தி பொருளீட்டுவதில் கெட்டிக்காரர்கள். வசீகரித்த தோற்றமும், கனிவானப் பேச்சும், உங்களுக்கு உரித்தான இரக்க சுபாவமும் கூடுதல் மெருகு ஏற்றுகிறது. சிறு குறை என்றால் சில சமயங்களில் அளவுக்கு மீறிய  நிதானம், பொறுமை கொண்டு இருப்பீர்கள். முடிவுகளை தயங்கி தயங்கி எடுத்து தாமதம் செய்வீர்கள்.

    இந்த ராசிக்காரர்களுக்கு அஷ்டம பாக்கிய ஸ்தானாதிபதியாகிய சனிபகவான் சப்தம கண்டக ஸ்தானம் என்று சொல்லப்படும் 7ம் இடத்திற்கு சஞ்சாரம் செய்ய உள்ளார். ஜீவன ஸ்தானாதிபதியாகிய குருபகவான் தற்போது 5ம் இடத்தில் அருள்புரிந்து வருகிறார். வருகின்ற ஆண்டுகளில் 6 மற்றும் 7 ஆகிய ஸ்தானங்களில் பிரவேசித்து அருள உள்ளார்.

      உங்கள் ராசிக்கு பல நல்ல விஷயங்களை சொல்லி கொண்டே போகலாம். தனிச்சிறப்பாக உங்கள் ராசியாதிபதியாகிய புதன் பகவானும், சனி பகவானும் நட்பு கிரகங்கள், ஆகையினால்சனிபகவானை புத்தமித்ரன் என்றும் அழைப்பார்கள். மேலும் குருபகவான் தற்போது 5ம் இடத்தில் இருக்கின்றது. நீச்சம் பெற்ற சாயா கிரஹங்கள், தற்பொழுது ராகுபகவான் 2ம் இடத்திலும், கேது பகவான் 8ம் இடத்திலும் அருள் புரிந்து வருகின்றனர்.

   கடந்த 2ஆண்டுகளில் இன்ப சுற்றுலா சென்று வந்து இருப்பீர்கள்.  வஞ்சகம் இல்லாத நண்பர்களுடன் இனிமையாக நாட்களை கழித்து இருப்பீர்கள் . பாசத்தைப் பொழியும் உறவுகளின் நேசத்தை மட்டுமே பார்த்து சந்தோஷத்தில் திளைத்து இருப்பீர்கள். இன்னும் சிலர் பூமி வாங்கி இருப்பிர்கள். பழைய வீட்டினை விஸ்தரித்தும், புதிய வீடு  கட்ட அஸ்திவாரப்பணிகளை செய்தும், வீடுகட்டியும் சிலர் குடியேறி இருப்பீர்கள்.ஸ்திர சொத்துக்களை விற்று, பணம் லாபம் பெற்று இருப்பீர்கள்..

     தற்போது 6ம் இடத்தில் இருந்து 7ம் இடத்திற்கு சனிபகவான் பிரவேசித்து உள்ளதால் முன்பு போல் எல்லா விஷயத்தையும் சாமர்த்தியமாக செய்யக்கூடிய சூழ்நிலை அமையாது. திறமை இருந்தும் அமைதி காக்க வேண்டி வரும். நீங்கள் என்ன செய்கிறீர்கள் என்று இதுவரை யாருக்கும் தெரியாது. அனால் தற்போது இதேநிலை தொடர பல வழியில் பல நபர்களை நீங்கள் சமாளிக்க வேண்டிவரும்.

     அதுமட்டுமா சாதாரணமாக பேசினால்கூட சிறு சிறு வாக்குவாதம் திடீர் என்று ஏற்படும். பிள்ளைகளின் எதிர்காலத்திற்கு புத்திமதிகள் சொல்லி நல்வழி படுத்துவீர்கள். எதிர்காலத்தைப்பற்றி கவலைப்படாமல் இருந்த நீங்கள் உலக  மாற்றத்தை கண்டு கவலைப்படுவீர்கள். எனவே புதிய வழிகளை தேடி சிந்திப்பீர்கள். எல்லாம் தெரியும் என்று நினைத்து செயல்பட்ட நீங்கள் உங்களுக்கு என்ன தெரியும் என்று நீங்களே கேட்டுக்கொள்வீர்கள். மற்றவர்கள் அறியா  வண்ணம் காயை நகர்த்துவதில் கெட்டிக்காரர்களான நீங்கள், தற்போது திறந்த புத்தகமாக இருப்பது நல்லது என்று சொல்லும் அளவுக்கு மாறி இருப்பீர்கள். தேடி தேடி பிரச்சனைகளுக்கு  தீர்ப்பு சொன்ன நீங்கள் ஓடி ஓடி மறைந்து ஏதோ நடந்தால் சரியென்று சொல்லுவீர்கள். வீட்டில் சிறு சிறு வாக்குவாதம், சின்ன கோபம் அவ்வப்போது மாதம் ஒருமுறை வரும். இருந்தாலும் அன்பு மட்டும் குறையாது.  

           சிலர் முகத்திலோ அல்லது தேகத்திலோ கருப்பு நிறமாக மாறும். பின்பு 3 மாத மருத்துவ சிகிச்சைக்கு பிறகு மீண்டும்  முகம் பொலிவு அடையும். செய்யாத தவறுக்கு வீணாக உங்கள் பெயரை இழுத்து பேசுவார்கள். தரத்திலும் தராதரத்திலும்  உங்கள் முன் நிற்கவே அஞ்சுவார்கள். ஆனால் முகத்துக்கு பின்னால் குறை சொல்லி ஏளனமாக பேசுவார்கள். சட்டத்தால் தண்டிக்க வழி தெரியாமல் மௌனமாக இருக்கும் சூழ்நிலை வரலாம்.

     சகோதரர்கள், உறவினர்கள் இடையே கருத்து வேறுபாடுகள் தோன்றி சில நாட்கள் கழித்து மறையும். தம்பதிகளுக்குள் யாரவது ஒருவருக்கு உடல்நலம் பாதிக்கப்பட்டு மருத்துவ மனையில் சிகிச்சை பெறவும் மருத்துவச்  செலவு செய்யவும் நேரிடும். கணவன் மனைவி இருவரும் வேலையின் காரணமாக வேறு வேறு ஊர்களில் பிரிந்து வாழ வேண்டிவரும்.

      உத்தியோகத்தில் இருப்பவர்களுக்கு அலைச்சலும் பொறுப்புகளும்  கூடுதலாகும். சிலருக்கு இடமாற்றம் கூட ஏற்படும். மேலதிகாரிகள் மற்றும் சக  ஊழியர்களிடம் சிறு சிறு பிரச்சனைகள் ஏற்படுவதால் பணியில் முழு மனதுடன் ஈடுபட முடியாது. கடின உழைப்பு இருந்தும் உழைப்புக்கு ஏற்ற ஊதியம் கிடைக்காது. வெளிநாடுகளில் வேலை பார்க்கும் வாய்ப்பு கிடைக்கும்.

     தொழில் துறையினர் தொழிலாளர்கள் மத்தியில் சிறு சிறு பிரச்சனைகள் தோன்ற வாய்ப்பு உள்ளது. தொழிலாளர்கள் பிரச்சனைகள் கேட்டு அவைகள் குறையை தீர்த்து வைக்க பணம் செலவு செய்ய வேண்டிவரும். வியாபாரிகள்  கடும்போட்டிக்கு இடையே வியாபாரம் செய்ய நேரிடும். மேலும் சிறு சிறு பிரச்சனைகளை சந்திக்க  வேண்டி வரும். வியாபாரம் ஓரளவுக்கு லாபம் தரக்கூடிய வகையில் இருக்கும். உங்கள் பணம் அதிகமாக முதலீடு செய்ய வேண்டி வரும்.

      புதிய முதலீடு செய்து வியாபாரம் எதுவும் தொடங்க வேண்டாம். வாகனங்களில் மிக மிக கவனமாகவும், பொறுமையாகவும்  செல்லவும் சிறு சிறு விபத்துகள் ஏற்படவாய்ப்பு உள்ளது. தெரு பிரச்சனைகளில் தலையீடு காவல் நிலையம் செல்லவேண்டி வரும். வீண் வாக்குவாதத்தை தவிர்ப்பது நல்லது.

     வருகின்ற 4.10.2018 முதல் குருபகவான் 6ம் இடத்திற்கு பிரவேசிக்கிறார். சத்ருரோக ருண ஸ்தானமாக இருப்பதால் நண்பர்களை விட உங்கள் எதிரிகள் யார் என்பதை நீங்கள் புரிந்து கொள்ளமுடியும். உடல் ஆரோக்கியத்திற்கு  எது சிறந்ததோ அதையே தேர்வு செய்து புத்துணர்ச்சியுடன் புதுத்தெம்புடன் இருப்பீர்கள். மேலும், உடற்பயிற்சி, யோகாசனம், பிராணாயாமம், தியானம் போன்ற இதர விஷயங்களில் மனம் ஈடுபடும் அதனால்  தெளிவான சிந்தனைகளும் செயல்பாடுகளும் ஏற்படும். குருபகவான் அருள்பார்வை பதிவதால் அற்புதங்களை  நிகழ்த்திக்காட்டி சந்தோஷப்படுவீர்கள்.

    7ம் இடத்தில் கேதுவின் சஞ்சாரம் நெருங்கிய உறவினர்களின் மருத்துவ செலவுகளை ஏற்படுத்தும். கணவன் மனைவி இருவருக்கும் சந்தேகப் பார்வை வந்து மறைந்து பின் காதல் மலரும். தங்களுடைய சாதி சம்பிரதாய சடங்குகளை பின்பற்றாமல் மாற்று வழிகளை தேர்வு செய்வர். இதனால் குடும்பத்தில் உள்ள மூத்தவர்களின் எதிர்ப்புகள், கண்டிப்புக்கு கூட ஆளாகக்கூடும். இருப்பினும் இறுதியில் நன்மையே ஏற்படும். எனவே இந்த காலகட்டத்தில் நதிகளில், சமுத்திர ஸ்னானம் செய்வது, மகான்களை தரிசிப்பது, சித்தர் இடங்களை வழிபடுவது, யாத்திரை மேற்கொள்வது மிக மிக நல்ல பலன்களை தரும்.

     வருகின்ற 29.10.2019 முதல் குருபகவான் 7ம் இடத்திற்கு பிரவேசிக்கிறார் பணவரவில் இருந்த பற்றாக்குறைகள் படிப்படியாக விலகும். தடைபட்ட திருமண சுப காரியங்கள் தடபுடலாக நிறைவேறும். சிலருக்கு புத்திர பாக்கியமும் உண்டாகும். மருத்துவ செலவுகள் குறைந்து மனநிம்மதி உண்டாகும். எதிர்பாராத  பணவரவுகள்  உண்டாகி பொருளாதார முன்னேற்றம் ஏற்படும். எதிரிகளின் பலம் குறைந்து உங்கள் பலம் கூடும். புதிய இடத்தில் நல்ல உத்தியோகம் கிடைக்கும். விவசாயிகளுக்கு கால்நடைகள் மூலமாகவும், விளைச்சல் மூலமாகவும் வருமானம் கிடைக்கும். மாணவர்கள் மந்தநிலை மாறி கல்வியில் முன்னேற்ற நிலைக்கு உயருவர்கள்.

     பொதுவாக தகுந்த நேரத்தில் தகுந்த சமயத்தில் திறமையை வெளிப்படுத்தி சகல வெற்றிகளைப் பெறுவீர்கள். இந்த காலகட்டத்தில்   இறை உணர்வோடும், பக்தி ஸ்ரத்தையோடும் நீங்கள் செயல்படுவதால் எதிலும் நன்மையே நடக்கும். தனக்கென தனிப்பாதை அமைத்து இனிமையாகவும், நாகரீகமாகவும், அழகாகவும், ஆறுதலாகவும் பேசி  பிறரைக் கவரும் சாதுர்யம் படைத்த நீங்கள் இறைவனின் அருளால் இக்கட்டான தருணங்களிலும் நன்கு சமாளித்து வெற்றிகளை ஈட்டுவீர்கள்.

           பொதுவாக அனைத்து கிரக அமைப்புகளை ஆராய்ந்து பார்த்ததில் சுமார் 50% நன்மைகளை பலன்களும் 50% தீமையான பலன்களும் நடைபெற வாய்ப்பு உள்ளது.

பரிகாரம்

    குலதெய்வ வழிபாடு அல்லது இஷட தெய்வ வழிபாடு செய்ய வேண்டும். திருநள்ளாறு சென்று பால், தயிர், அபிஷேகம் மற்றும் வெண்பொங்கல் நெய்வேத்தியம் செய்வது நன்மையைக் கொடுக்கும்.

வாழ்க வளமுடன்

உதவி தேவைக்கு :

ஜோதிட ரத்னா ஓம் சந்தோஷ்

Follow us

For fequent updates and information, Please feel free to follow us.

Newsletter