Megamall

Skip to Main Content »

Welcome to our Your Astrology!
 

You have no items in your shopping cart.

Click here உங்கள் ஜாதக கட்டம் , ஆயுள் பலன்கள் , திருமணம் ,தொழில், காதல்,மற்றும் அனைத்து பலன்களும் அடங்கிய 115 பக்கங்கள் கொண்ட புத்தகம் ரூபாய் 400/$10 க்கு கொடுக்கபடும். Click here

You're currently on:

தனுசு

    நட்சத்திரங்களில் மூலம், பூராடம் மற்றும் உத்திராடம் முதல் பாதத்தில்  பிறந்தவர்களும், உதய களனமாகிய தனுசு லக்கினத்தில் பிறந்தவர்களும், குருபகவானை அதிபதியாகக் கொண்ட  தனுசு ராசிக்கு உரியவர்களே.

           இந்த ராசிக்காரர்களுக்கு தான ஸ்தானாதிபதியாகிய சனிபகவான் அடுத்த 3 ஆண்டுகளுக்கு ஜென்மஸ்தானம் என்று சொல்லப்படும் உங்கள் ராசிக்கு ஜென்மச்சனியாக சஞ்சரிக்ககிறார். ஜென்ம சுக ஸ்தானாதிபதியாகிய குருபகவான் தற்போது 11ம் இடத்தில் லாப குருவாக இருந்து அருள் புரிகிறார். வருகின்ற ஆண்டுகளில் 12 மற்றும்  1ம் இடங்களில் சஞ்சாரம் செய்து அருள உள்ளார்.

           தனுசு ராசிக்காரர்களான உங்களுக்கு ரொம்ப பொருத்தமான விஷயம்,வில்லானது வளையும் தன்மை உடையது. எந்த இடத்தில் வளைய வேண்டுமோ அந்த இடத்தில் வளைந்து கொடுத்து சாதிப்பார்கள். இருப்பினும் இவர்கள் வெச்சிக்குறி  தப்பாது. அதுபோல் எதிரியை தாக்காமல் விடாது. தகுதி தாழ்ந்தவர்கள் நட்பை தவிர்த்து விடுவார்கள். நிலையான தொழிலை நிலை நிறுத்தவும் பொருள் ஈட்டவும் பாடுபடும் இவர்கள், எப்போதும்  சேமிப்புக்கு முக்கியத்துவம் கொடுத்து செலவு செய்வதை தவிர்த்து விடுவார்கள்.

      எதிராளியின் உள்மனது உட்பட ஸ்கேன் செய்து ஊடுருவி பார்க்கும் தன்மை உண்டு. இவர்கள் சிறியவர்கள், பெரியவர்கள் அனைவருக்கும் மரியாதையை கொடுத்து பழகும் பண்பாளர்கள். ரகசியம் என்று எதையும்  பிறருக்கு தெரியாமல் மறைக்க தெரியாது. இவர் ராசியில் உள்ள அம்பு சில சமயம் வார்த்தைகளால் புண்படுத்தினாலும், பிறகு அன்பு எனும் அற்புத மருந்தினை தடவி குணப்படுத்தி வசப்படுத்தி விடுவார்கள்.

   இந்த குண நலன்கள் ஒருங்கே பெற்று இருப்பதால் பல இன்னல்களையும் கடந்து வந்து விட்டிர்கள். இருப்பினும் ஒரே ஆறுதலான விஷயம்  என்னவென்றால் உங்கள் ராசிநாதன் 11ம் இடத்தில் இருப்பதுதான். மற்றோரு விஷயம் சனீஸ்வர  பகவான் பார்வை 3,7,10 ஆகிய இடங்களில் பாதிக்கின்றது. வெளுத்தது  எல்லாம் பால்  என்று எதார்த்தவாதியாகவே வாழ்க்கை நகர்த்திய உங்களுக்கு விரயச்சனியாக கடந்த 3 ஆண்டுகளில் சேமிப்புக்கு அர்த்தம் தெரியாத அளவிற்கு செலவை உண்டு பண்ணியிருப்பார்.

    கடந்த 21 மாதங்களாக சேமிப்பு என்ற வார்த்தைக்கு அர்த்தம் புரியாத அளவிற்கு செலவு ஏற்பட்டிருக்கும். சிலர் புதிய தொழிலில் இன்னும் சிலர் எதில் முதலீடு செய்வது என்ற ஆராய்ச்சியில் பல மாதங்களை கழித்து தற்போது தான் ஒரு முடிவுக்கு வந்து இருப்பர். நீண்ட நாட்களாக இழுபறியாக இருந்த மகளின் திருமணத்தை தடபுடலாக  ஆடம்பரமாக உறவினர்கள், நண்பர்கள் அசந்து வாய் பிளக்கும் வகையில் நடத்தி இருப்பார்கள். சிலர் வீடு காட்டும் பணியில் இருப்பார்கள். வீட்டில் தொடர் விஷேசம், 60 கல்யாணம், கிரஹப்பிரவேசம், சகோதர சகோதரியின் திருமணம் இப்படி எதோ  ஒரு வகையில் செலவு ஏற்பட்டிருக்கும்.

     இன்னும் சிலருக்கு மருத்துவச்  செலவுகள், அதுவும் தவிர்க்க முடியாத பெற்றோருக்காகவும், குடும்பத்திற்குள்ளும் ஏற்படும். உங்கள் பணம் பஞ்சு பஞ்சாக பறந்து போய் இருக்கும். இதுநாள் வரையில் தவிர்த்து வந்த கூடுதல் வசதிகள் உங்கள் இல்லத்திலோ  அல்லது தொழிலிலோ செய்ய நேரும். இப்படியே சொல்லிக் கொண்டே  போகலாம். இன்னும் சிலர் பிள்ளைகளுக்கு வெளிநாட்டு மேற்படிப்புக்கு செலவு  செய்து இருப்பார்கள். 

    பெருமைக்கு ஆடம்பர பதவியேற்பு விழா, கும்பாபிஷேகப்பணி, கலை நிகழ்ச்சிகள், சமூக சேவை பணிகளுக்காக  செலவு செய்து இருப்பார்கள். சேமிக்க வேண்டும், சேமிக்க வேண்டும், என்று அடுத்தவர் தலையில் குட்டி  சேமிக்க சொன்ன நீங்கள் தற்போது தவிர்க்க முடியாமல் செலவு செய்வதை பார்த்து நீங்களே வாய்  அடைத்து நிற்பீர்கள். செலவை தவிர்க்க வழி  தெரியாமல் திகைப்பீர்கள். பலர் இந்த நிலையிலேயே விரயஸ்தானத்தை  கடந்து வந்து இருப்பீர்கள். தற்போது சாயா கிரகங்களான ராகுபகவான் 8ம் இடத்திலும், கேதுபகவான்  2ம் இடத்திலும் இருப்பது ஓரளவு நன்மையே ஆகும். நட்பு கிரகங்களாக இரு கிரஹங்கள் விளங்குவது கூடுதல்  சிறப்பாகும். 

    உங்கள் ராசிநாதன் குருவின் பார்வை 3,5,7 ஆகிய ஸ்தனங்களை பார்ப்பதும் யோகத்தையே தரப்போகிறது. குருபகவான் பார்க்கும் அதே 7ம் இடத்தை சனிபகவானும் பார்ப்பது ஒரு சில சிக்கல்களை நீக்க உதவும். கூட்டுத்தொழில் செய்து பிரிந்தவர்கள் தனியாக தொழில் தொடங்குவார்கள். சிலர் பழைய வாகனத்தை வாங்கி சரி செய்வதும், மீண்டும் விற்பதுமாக இருப்பார்கள். தற்போது செலவோடு செலவாக இருந்து விட்டு போகட்டும் என்று வங்கி  கடன் பெற்று புதிய வாகனத்தை வாங்குவார்கள்.

      சிலருக்கு வெளிநாடு செல்லும் வாய்ப்புகள் கிட்டி, அதன் மூலம் பொருள் ஈட்டவும் முடியும். சொத்து ரீதியாக  என்ன முடிவு எடுப்பது என்ற குழப்பத்திற்கு தீர்வு கிடைக்கும். பகையாளிகளிடம் கூட பண்பாகப் பேசி அன்பாக காரியத்தை முடிப்பீர்கள். பக்குவமாக நடந்து வெளியில் தெரியாமல் சமாளிப்பீர்கள். சிலர் வீடு கட்டி கிரகப்பிரவேசம் செய்வார்கள். திருமணம் ஆகாதவர்களுக்கு திருமணம் நடைபெறும். நீண்ட நாட்களாக குழந்தை இல்லையே என்று எல்லோரின்  ஏச்சிற்கும், பேச்சுக்கும் ஆளான தம்பதிகள் இந்த ஹேவிளம்பி வருடத்தில் கருவுற்று நல்ல ஆண்  குழந்தையை பெற்று எடுப்பார்கள்.

      இருப்பினும் ஜென்ம சனியின் காலம் என்பதால் சிறு சோதனைகளை சந்திக்க நேரும். நீங்கள் எடுத்த காரியத்தை முடிக்க பணநெருக்கடிகள்  சந்திக்க வேண்டிவரும். அடுத்து யார் வந்து கடன் தொகையைக் கேட்பார்களோ  என்ற அச்சம் இருக்கும். எல்லா காரியங்களையும் சாமர்த்தியமாக முடிக்க முடியாமல் காலதாமதம் ஏற்படும். நண்பர்கள் உதவ மறுப்பார்கள். சகோதர்கள் பகைமை காட்டி ஒளிந்து நின்று வேடிக்கைப் பார்ப்பார்கள். நாணய பங்கத்தால் மனம் வேதனை அடையும். சமூகத்தின் மேல் வெறுப்புத் தோன்றும். படுத்தவுடன் ஆழ்ந்த  உறக்கம் அறவே வராது. பகைவர்கள் கேலி செய்து பேசுவதோடு இடையூறு செய்ய முற்படுவார்கள். எக்காரணம் கொண்டும் புதிதாக கடன் வாங்க வேண்டாம்.

    வருகின்ற 4.10.2018 முதல் குருபகவான் 12ம் இடத்திற்கு பிரவேசிக்க உள்ளார். இந்த இடம் விரய ஸ்தானமாகவே அமைகின்றது. எல்லாத் துறையை சார்ந்தவர்களும் ஏதாவது ஒரு வகையில் சுபச் செலவை, அசுபச்செலவை சந்திப்பீர்கள். பொருளாதாரத்தில் இழுபறி இருக்கும். இதை இப்படி முடிக்கலாம், அதை அப்படி சமாளிக்கலாம் என்று போட்டு வைத்த கணக்குகள் தவறாகும்.

       பல பிரச்சனைகள் வெளி உலகுக்கு தெரியாமல் பார்த்துக் கொண்டு வந்த நீங்கள் இனி அந்த நிலையை தொடர முடியாது. வரவேண்டிய பணத்தைக்கூட வாங்க முடியாது. கொடுக்கல் வாங்கல் விஷயத்தில் தகுந்த கணக்குகளை எழுதி வைப்பது நல்லது. சிக்கல்கள் மற்றும் குளறுபடிகள் நடக்கலாம். சிபாரிசு செய்வது, ஜாமீன் போடுவதை தவிர்ப்பது நல்லது. கடந்த ஆண்டு திருமணம் முடிந்தவர்கள் சின்ன சின்ன குடும்ப பிரச்சனைகளை பெரிது படுத்தாமல் இருக்க வேண்டும். குடும்ப அங்கத்தினர், பெற்றோர்கள், நண்பர்களிடம் கோபமாக பேசாதீர்கள். இல்லையேல் வீண் சண்டை ஏற்படுவதோடு சாபத்திற்கு ஆளாவீர்கள். விட்டு கொடுத்து செல்லுங்கள், மகிழ்ச்சியோடு இருப்பிர்கள். கணவன் மனைவியிடையே சிறு ஊடலும் பின் கூடலும் ஏற்படும். வெளிப்பிரச்சனைகளை வாசலிலேயே வீசி விட்டு வீட்டில் அடியெடுத்து வையுங்கள். இரவு பிரயாணத்தை தவிர்ப்பது நல்லது. சிறு விபத்துகள் சிறு உடல் உபாதைகள் ஏற்படலாம்.

     தகுந்த மருத்துவர் ஆலோசனையை உரிய நேரத்தில் பெற்று ஆரோக்கியத்தில் தனி கவனத்துடன் நடந்து கொள்ளுங்கள். உத்யோகம், வியாபாரம், தொழில் போன்றவற்றில் நிலையற்ற தன்மை இருக்கும். சிலருக்கு உத்யோக இடமாற்றம், பதவி மாற்றம் ஏற்படும். அதனை மன உறுதியோடு ஏற்றுக் கொள்ளுங்கள். ஸ்திர சொத்துக்கள் வாங்கும் போது கவனமாக பத்திரத்தை படித்துவிட்டு வாங்குங்கள்.

      மறைமுக எதிர்ப்புகளும், போட்டிகளும் வழக்கம் போல் வந்து மறையும். கூட்டுத்தொழில் செய்பவர்கள் இடையே கருத்து வேறுபாடுகள் தவிர்க்க முடியாது. மற்றவர்கள் விஷயத்தில் தலையிடாமல் இருப்பது நல்லது. பிறரைப்பற்றி விமர்சனம் செய்வதை நிறுத்துங்கள். மாணவர்கள் கல்வியில் கூடுதல் கவனம் தேவை.

     வருகின்ற 13.02.2019 முதல் ராகுபகவான் கேதுபகவான் உங்கள் ராசிக்கே ஜென்ம கேதுவாக சஞ்சாரம் செய்ய உள்ளார்கள். 7ம் இடத்தில் சஞ்சரித்துள்ள ராகுபகவான் வெளிவட்டார பழக்கங்கள் அதிகப்படுத்துவார். மேலும் மாற்று மத  நண்பர்கள் மூலம் ஆதாயத்தை கொடுப்பார். வெளியூர் பிரயாணம் அலைச்சலை தவிர்க்க முடியாது. பிற பெண்களின் நட்பு ரீதியாக சகவாசம் மனைவியின் கோபத்திற்கு ஆளாகக் கூடும். மனைவியின் நோட்டம் உங்களுக்கு கோபத்தை கொடுக்கும். உடல் உபாதைகள் ஏற்பட்டு சிகிச்சை பெற நேரும். புத்திரர் வழியில் வீண்  மனக்கசப்பும் கருத்து வேறுபாடுகளும் ஏற்படலாம். ஆடம்பர பொருள் சேர்க்கைக்கு அனாவசியமாக செலவு செய்ய நேரும்.

      சிலர் புதிய, சுய தொழில் கற்க விளம்பரங்களில் நம்பி பணம் செலுத்தி சேர்ந்து ஏமாற்றப்படும் வாய்ப்பும் உள்ளது. ஜென்மத்தில் இருக்கும் கேது மற்றும் சனிபகவானால் தேவையில்லாத அச்சங்களும் குழப்பங்களும் உண்டாகும். உடலில் உஷ்ணம் தொடர்பான பிரச்சனைகள் வரும். எனவே வாரம் தோறும் எண்ணெய்தேய்த்து குளிப்பது  மிக மிக அவசியம். தாய் வழி உறவினர்கள் ஆரோக்கியத்தில் பாதிப்பு ஏற்படும். உங்கள் திறமை பேச்சு  சாதுர்யம் பல இடங்களில் கை கொடுக்காது. வீட்டில் உள்ள பொருட்கள், அலுவலகத்தில் உள்ள பொருட்கள் களவு போகும் வாய்ப்பும் உண்டு.

      வருகின்ற 29.10.2019 முதல் 14.11.2020 வரை உங்கள் ராசிநாதன் உங்கள் ராசிக்கே ஜென்ம குருவாக சஞ்சாரம் செய்ய உள்ளார். ஜென்மத்தில் குரு  மற்றும் சனிபகவான் வந்து இருப்பது, எல்லாம் இருந்தும் இல்லாதது போல்  உணருவீர்கள். இருப்பினும் உங்கள் ராசிக்கு தனகாரகன் சனிபகவான்தான். எனவே பொருளாதாரத்தை தூக்கி நிறுத்தும் வழிகளை உணர்த்துவார். வியாபாரத்தில் உத்தியோகத்தில் இருந்த தடைகளை கண்டறியச் செய்வார். தடைகளை தகர்க்கும் திட்டத்தை யோசனைகளை தெளிவு படுத்துவார். வெளி வட்டாரத்தில் இருந்து வந்த நெருக்கடிகள் குறையும். திறமைக்கு உகந்த ஸ்தானத்தை பெற்று தருவார்.

     மாணவர்களின் மேற்படிப்புக்கு உரிய யோசனைகளும், வழிகாட்டுதல்களும் கிடைக்கும். வெளிநாட்டு நண்பர்களின் தொடர்பு, புதிய நண்பர்களின் தொடர்பு புதிய ஒப்பந்தங்களை புதுப்பிக்கும். பழைய கடன் சுமைகளை  போக்கும் வழிகள்  புலப்படும். உடல் ஆரோக்கியத்தில் கூடுதல் கவனம் தேவை. பெற்றோர்கள் உடல் நலனில் அக்கறையுடன் நடந்து கொள்ளுங்கள்.

      யாரை நம்புவது, எந்த காரியத்தை செய்வது, இதில் லாபம் வரும் என்ற குழப்பம் ஏற்படும். வியாபாரத்தை அதன் போக்கில் விட்டு  வேடிக்கைப் பார்க்க வேண்டியதுதான். குடும்பத்தில் சிறு சிறு பிரச்சனைகள்  அவ்வப்போது தலை துக்கும். நீங்கள் ஆண்டவன் மீது பாரத்தை போட்டு காலத்தை ஓட்டுங்கள்.

        வாக்குறுதிகளை அள்ளி வீசாமல் சூழ்நிலைக்குத் தகுந்தாற்போல் முன்யோசனையுடன் இந்த காலகட்டத்தில் நடந்து கொள்வது நன்மைப்  பயக்கும். உங்கள் உடமைகளை பத்திரமாக பாதுகாத்துக் கொள்ளவும். சனிபகவானை போல் கொடுப்பவர் இல்லை என்று சொல்லுவார்கள் அந்த வகையில் ஜாதக ரீதியாக சனிபகவான் நல்ல ஸ்தானத்தில் இருந்தால் கெடு  பலன்கள் அந்த அளவுக்கு இருக்காது. அதுபோல் இரண்டாவது சுற்று, மூன்றாவது சுற்றாக இந்த ஜென்ம சனி இருந்தால் தீமையான பலன்களை கொடுக்க மாட்டார்.

     உங்கள் ராசிக்கு தனகாரகனான சனி பகவான், தனத்தை நேர்வழியில் நீதியை பின்பற்றி சென்றால் தனத்தை வாரி வாரி கொடுப்பார். பொதுவாக இந்த ராசிக்காரர்கள் வாழ்க்கையின் பிற்பகுதியில் இவரின் யோகமான பலன்களை நிச்சயம்  தெரிந்து கொள்வார்கள்.

     இந்த ஜென்ம சனியின் காலத்தில் கீழே கொடுக்கப்பட்டுள்ள பரிகார பூஜைகளை குறிப்பாக உங்கள் குலதெய்வத்தை தவறாமல்  வழிபடுங்கள். நன்மையையே நீங்கள் பெற சனீஸ்வர பகவானை பிரார்த்திக்கிறேன். பொதுவாக அனைத்து கிரக நிலைகளை பார்க்கும்போது சுமார் 40% நன்மையான பலன்களும் 60% தீமையான பலன்களும் கிடைக்கும் வாய்ப்பு உள்ளது.

பரிகாரம்

    குலதெய்வ வழிபாட்டுடன், சீர்காழி அஷ்டபைரவருக்கு அர்ச்சனை தீபம் ஏற்றவும்.

 வாழ்க வளமுடன்

உதவி தேவைக்கு :

ஜோதிட ரத்னா ஓம் சந்தோஷ்

Follow us

For fequent updates and information, Please feel free to follow us.

Newsletter