Megamall

Skip to Main Content »

Welcome to our Your Astrology!
 

You have no items in your shopping cart.

Click here உங்கள் ஜாதக கட்டம் , ஆயுள் பலன்கள் , திருமணம் ,தொழில், காதல்,மற்றும் அனைத்து பலன்களும் அடங்கிய 115 பக்கங்கள் கொண்ட புத்தகம் ரூபாய் 400/$10 க்கு கொடுக்கபடும். Click here

You're currently on:

விருச்சிகம்

     நட்சத்திரங்களில் விசாகம் 4ம் பாதம், அனுஷம் மற்றும் கேட்டை யில் பிறந்தவர்களும் உதய லக்னமாகிய விருச்சிக லக்கினத்தில் பிறந்தவர்களும், செவ்வாயை அதிபதியாகக் கொண்ட விருச்சிக ராசிக்கு உரிய நேயர்களாவார்கள்.

        இந்த ராசிக்காரர்களுக்கு சகோதர சுக ஸ்தானாதிபதியாகிய சனீஸ்வரபகவான் அடுத்த 3 ஆண்டுகளுக்கு தன, பாத, குடும்ப சனியாக 2ம் இடத்தில் சஞ்சாரம் செய்ய உள்ளார். குடும்ப பூர்வ புண்ணிய ஸ்தானாதிபதியாகிய குருபகவான் தற்போது விரயஸ்தானம் என்று சொல்லப்படும் 12ம் இடத்தில் அருள்புரிந்து வருகிறார். வருகின்ற ஆண்டுகளில் 1 மற்றும் 2ம் இடத்தில் சஞ்சாரம் செய்ய உள்ளார்.

       பொதுவாக யாரைப் பற்றியும் கவலை இன்றி பல பழைய அனுபவங்களையும் மனதில் நிலை நிறுத்தி குறிக்கோளை நோக்கி பயணிப்பார்கள். இந்த ராசிக்காரர்களுக்கு மற்றவர்களின் சொத்தை அனுபவிக்கும் யோகம் உண்டு. பிறரின் பணத்தை அவருக்கு நேராகவே செலவு செய்ய தயங்க மாட்டார்கள். பெற்றோர்கள் மீது பாசம் குறிப்பாக தாய் பாசம் அதிகம் உண்டு.

       இள வயதில் சம்பாதிக்காவிட்டாலும் நடு வயதில் பெரும் செல்வந்தர்களாக மாறுவார்கள். குறும்பு, விஷமத்தனம், விமர்சனம் செய்வது, ஏளனம் பேசுவது போன்ற குணங்களை கொண்டு இருப்பர். இவர் வீடு, தேடி பிரச்னையை தீர்க்க சரணாகதி அடைந்தால் அவர்களின் சிக்கலை தீர்க்க இரவு, பகல் பாராது நம்பி வந்தவரின் பிரச்னையை தீர்த்து கொடுப்பார்.

       இவரோடு யாரவது பழகினால் அவருடைய நல்ல குணங்கள், அறிவு மற்றும் திறமையை அப்படியே ஸ்விகர்ணம் செய்யும் ஆற்றல் உண்டு. இவர்களுக்கு அனுஷ்டானங்கள் குறைவாக இருந்தாலும் அடுத்தவர்கள் பார்வைக்கு ஆச்சர்ய குருவாக  தோற்றம் அளிப்பர். இவர்கள் அடிமை தொழிலை அறவே விரும்பாதவர்கள். பிறரின் கஷ்டங்களை தாங்கிக் கொள்ளும் சுமைதாங்கி என்றும் அழைக்கலாம். இவர்களின் பழக்க வழக்கத்தை பார்த்து ஏமார்ந்து யாரேனும் வேலை கொடுத்தால் அதிகமான சுதந்திரத்தை எடுத்துக் கொண்டு அதிகப்பிரசங்கியாக வரம் கொடுத்தவர் தலையில் கை வைத்து பார்த்து விடுவார்கள். சில சமயம் சில நபர்களுக்கு  இந்த ராசிக்காரர்களின் செயல்பாடுகள் கோபத்தைத் தரும்.

       பல பழைய விஷயங்களை மனதில் வைத்துக் கொண்டு எடுத்து வைக்கும் காரியங்களை பிரகாசிக்க வைப்பீர்கள். வேலை செய்ய தொடங்கினால் அசராமல் செய்விர்கள். வீம்பு பிடித்தால் விடாப்பிடியாக நிற்பீர்கள். தைரியகாரகன், அங்காரகன் அருள் உள்ளதால் இல்லாதவற்றை இருப்பது போல் வர்ணித்து எதிராளியை வசீகரிக்கும் ஆற்றல் உண்டு. பிறருக்கு சட்டென்று யோசனை சொல்லி அவருக்கே தெரியாமல் பணத்தை எடுத்து விடுவீர்கள். சில நேரம் பணத்துக்காகவும், பல நேரம் பாசத்துக்காகவும் வேலை பார்ப்பீர்கள். தன்னம்பிக்கை விடாமுயற்சி  பிடிவாதம் வார்த்தை ஜாலம் இவற்றை பல வகையிலும் கையாண்டு விஐபி போன்ற தோற்றத்தில் சாதனை செய்வீர்கள்.

      உங்களுக்கு ஒரு சந்தோஷமான செய்தி ஜென்ம சனி முடிந்து விட்டது. மற்ற ராசிக்காரர்களை விட குறிப்பாக விருச்சிக  ராசிக்காரர்கள் கடந்த 30 மாதங்களாக படாதபாடு பட்டு விட்டீர்கள்.

        ஜென்ம சனியில் நீங்க பட்ட துன்பங்களுக்கு அளவே இல்லை. சென்ற ஆண்டுகளில் பல பிரச்சனைகளைச் சந்தித்து கடந்து வந்து விட்டீர்கள். குடும்ப பிரச்சனை, உடன் பிறந்த சகோதரிகளால் பிரச்சனை, மனைவியிடம் கருத்து வேறுபாடு, தனிக்குடித்தனம், பெற்றோரிடம் மனகசப்பு, நண்பர்களிடமிருந்து உங்களை புறக்கணிப்பு இப்படி பல  விஷயங்கள் நடந்து இக்கட்டான சூழ்நிலையில் இருந்து இருப்பீர்கள்.

      இன்னும் சிலருக்கு நோய்கள், ஆரோக்கிய குறைபாடுகள் புதிதாக உடம்பில் ஏற்பட்டு இருக்கும். நெருங்கிய பந்துகளை கூட இழந்து இருப்பார்கள். முடங்கியிருந்த உங்கள் செயல்பாடுகள் முழு வேகம் எடுக்கும். கட்டப்பட்ட  கயிறு  அறுக்கப்பட்டு மனிதனின் அருளால் மந்த சூழ்நிலைகள் நீங்கும்.

   இருப்பினும் சனி கொடுப்பார் எவர்  தடுப்பார்.என்று சொல்லுவார்கள் அதுபோல் நீதி க்ரஹமாக அவர் விளங்குவதால் அவர் இருக்கின்ற ஸ்தானத்திற்கு தக்கபடி கொடுக்கத்தானே செய்வார். மேலும் உங்கள் ராசிநாதன் செவ்வாயும், சனியும் பகை, அது மட்டுமல்ல அடுத்த வரிசையில் முக்கிய கிரஹமாகிய குருபகவான் தற்போது விரய ஸ்தானம் என்று சொல்லப்படும் 12ம் இடத்தில் இருப்பதும் சற்று சுமாராகவே உள்ளது.

    குடும்பத்தில் திடீர் செலவுகள் எதிர்பாராத வகையில் இருக்கும். செலவு செய்யும் உங்கள் ஆற்றல் இந்த காலத்தில் பயன்தராது. பெண்களின் தேவையைச் பூர்த்தி செய்ய சிரமப்பட நேரும். உத்தியோகத்தில் இருப்பவர்கள் கூடுதல் கவனத்துடன் இருக்க வேண்டும். வங்கிகளில் பணியாற்றுபவர்கள் பணத்தை முன்னெச்சரிக்கையுடன் கையாள வேண்டும் பனி செய்யும் இடங்களில் உள்ள விதிமுறைகளை முழுமையாகப் பணியாற்றி நடந்தால் மட்டுமே, உங்களுக்கு ஏற்படும் அவப்பெயரில் இருந்து தப்பிக்க முடியும். மேலதிகாரிகளின் கோபத்திற்கும், கண்டிப்பிற்கும் ஆளாக நேரிடும். வியாபாரம் மற்றும் தொழில் உள்ளவர்கள் சந்தையின்  போக்கை உணர்ந்து செயல்பட வேண்டும். புதிய தொழில் மற்றும் வியாபாரத்தில் முதலீடு செய்வதைத்  தள்ளிப்போடுவது நல்லது. இருப்பதைக் கொண்டு திருப்தியடைவது நல்லது. பேராசைப்பட்டு செயல்பட்டு பின்னர் அலைச்சல், அலைக்கழிப்புகளை சந்திப்பதுடன் அவமதிப்பும் நேரிடும்.

    திருமணப் பேச்சு சிலருக்கு தள்ளிப்போகும். எதிர்பார்த்தபடி வரன்கள் அமைய, யாரைத் தேடிப் பார்ப்பது என்றும் மனம் அலைபாயும், அமைதியுடன் இருங்கள் ஆனந்தம் ஏற்படும். விவசாயிகளுக்கு எதைப் பயிர் செய்வது, எப்படி செய்வது என்று குழப்பம் ஏற்படும். விளைச்சலும் குறைவாகவே இருக்கும் எதிர்பார்த்த படி வினை பொருட்களில் லாபம் கிடைக்காது. இருப்பினும் பிறரை பார்க்கும்பொழுது மனம் ஆறுதல் அடையும்.

      தொழிலில் லாபம் குறைவு ஏற்பட்டு பொருளாதார நெருக்கடி ஏற்பட்டு இருக்கும். இந்தப் பிரச்சனையிலும் முடிவு ஏற்படாமல் இழுபறி நிலையாக இருக்கும். எல்லோர் மேலும் ஒரு வெறுப்பு, உங்கள் மனக்குறைகளை யாரிடமும் சொல்லவும்  முடியாது, மெல்லவும் முடியாது, ஏன் உங்களால் விழுங்கவும் முடியாது இப்படியொரு இக்கட்டணச் சூழ்நிலை இதுதான் உங்கள் நிலை. உங்கள் ராசிக்கு வாக்குதானம், குடும்பம் ஆகியவற்றைக் குறிக்கும் சனிபகவான் 2ம் இடத்திற்கு சென்று இருக்கிறார். அவசர முடிவு, எதிலும் அதிவேக வேலை என்று இருந்த நீங்கள் சற்று நிதானத்தை முதலில் கடைபிடிக்க வேண்டும்.

      வருகின்ற 4.10.2018 முதல் குருபகவான் ஜென்ம குருவாக உங்கள் ராசிக்கே பிரவேசிக்கிறார். திருமணத்தில் இருந்த தடைகள் நீங்கும். இருப்பினும் சில இழுபறிகளை இழுத்தடிப்புகளை சந்திக்க நேரிடும்.

       வியாபாரத்தில் உத்தியோகத்தில் இருந்த தடைகளை கண்டறியச் செய்வார். தடைகளை தகர்க்கும் திட்டத்தை, யோசனைகளை தெளிவுப்படுத்துவார். வெளிவட்டாரத்தில் இருந்து வந்த நெருக்கடிகள் குறையும். திறமைக்கு உகந்த ஸ்தானத்தை பெற்றுத் தருவார். மாணவர்களின் மேற்படிப்புக்கு உரிய யோசனைகளும், வழிகாட்டுதல்களும் கிடைக்கும். வெளிநாட்டு நண்பர்களின் தொடர்பு புதிய ஒப்பந்தங்களை புதுப்பிக்கும். பழைய கடன் சுமைகளை போக்கும். உடல் ஆரோக்கியத்தில் கூடுதல் கவனம் தேவை. பெற்றோர்கள் உடல்நலனில் அக்கறையுடன் நடந்து கொள்ளுங்கள்.

       மருத்துவ ஆலோசனைகளை அலட்சியம் செய்யாமல் நடந்து கொள்ளுங்கள். இரவு நேரத்தில் வாகனத்தில் பிரயாணம் செய்யயும்போது எச்சரிக்கையுடன் செல்லுங்கள். இல்லையேல் சிறு விபத்தை சந்திக்க நேரும். யாரை நம்புவது, எந்த காரியத்தை செய்வது, எதில் வெற்றிகிட்டும், எதில் லாபம் வரும் என்ற குழப்பம் ஏற்படும். வியாபாரத்தை அதன் போக்கிலே விட்டு வேடிக்கைப் பார்க்க வேண்டியதுதான்.

           குடும்பத்தில் சிறு சிறு பிரச்சனைகள் அவ்வப்போது தலைதூக்கும். நீங்கள் ஆண்டவன் மீது பாரத்தை போட்டு காலத்தை ஓட்டுங்கள். அரசாங்க அதிகாரிகளால் சிறு பிரச்சனைகளை சந்திக்க நேரும். புதிய இடத்தில் பணிசெய்யும் வாய்ப்பு, குடியேறும் வாய்ப்பு உங்களுக்கு புதிய அனுபவத்தையும், மகிழ்ச்சியையும் கொடுக்கும். வாக்குறுதிகளை  அள்ளி வீசாமல் சூழ்நிலைக்குத் தகுந்தாற்போல் முன்யோசனையுடன் இந்த காலகட்டத்தில் நடந்து கொள்வது நன்மைப் பயக்கும்.

        வருகின்ற 123.2.2018 முதல் ஆரோக்கிய காரணகனான ராகுபகவான் 8ம் இடத்திற்கும் ஞானகாரணகனான கேது பகவான் 2ம் இடத்திற்கும் பிரவேசிக்க உள்ளார்கள். பின்னோக்கி பிரவேசிக்கும் இந்த கிரஹங்கள் இரண்டும் 2ம் இடத்தில் அல்லல் படும் உங்களை முன்னோக்கி முன்னேற உதவிகள் செய்யும்.

        ராகுபகவான் 8ம் இடத்தில் இருப்பது எதிர்பார்க்காத திடீர் அதிர்ஷ்ட வாய்ப்புகளை தருவார். எதிர்பார்க்காத வகையில் சொத்து சேர்க்கை தன லாபத்தை கூட  கொடுப்பார். இடம் மாறிய உத்யோகஸ்தர்கள், வியாபாரிகள் வந்த  இடத்திலும் வெற்றி கொடி நட்டுவார்கள். அரசாங்க சிக்கல்களின் இருந்து விடுபடும் யுக்திகள் தென்படும். விபத்துக்களால் சிகிச்சை பெற்றவர்கள் ஆரோக்கியம் பெறுவார்கள். அரசாங்கத்தில் சிறு அபராத தொகை  செலுத்தி பெரிய பிரச்சனைகளில் இருந்து வெளிவருவீர்கள். வெளிநாடு பயணம் நன்மையை கொடுக்கும். கேதுபகவான் 2ம் இடத்தில் இருப்பது பொருளாதார முடக்கங்கள் கண்டறிய செய்வார். அத்தியாவசிய செலவுகளை மட்டும் செய்து சேமிப்பின்  முக்கியத்துவத்தை அறிவீர்கள். மனைவியின் உடல் முன்னேற்றத்திற்கு  காத்திருந்த உங்களுக்கு புதிய மருந்து  மாத்திரைகள் மூலம் தீர்வு ஏற்படும்.

         வருகின்ற 29.10.2019 முதல் குருபகவான் 2ம் இடத்திற்கு பிரவேசிக்கிறார். இது நிச்சயம் அற்புதமான அமைப்பு ஆகும். பண பிரச்சனைகள் குறைந்து பொருளாதாரம் மேம்படும். திருமணத்திற்கு காத்திருந்த ஆண்  பெண் இருவருக்கும் எதிர்பார்த்தபடி நல்ல வரன்கள் கிடைக்கப் பெற்று திருமணம் பிரமாதமாக நடைபெறும். பொதுவாக 7 1/2 சனி முடிவதற்குள் நிச்சயம் அனைவருக்கும் திருமணம் நடக்கும். வீண் விரோத போக்கு அனைத்தும் மறையும். நிம்மதியில்லாமல் வேலை செய்தவர்கள் மனதில் திருப்தி ஏற்படும். கணவன் மனைவியிடம் இருந்த பிரச்சனைகள்  அகலும். குடும்பத்தை எப்போதும் கட்டுப்பாட்டில் வைத்து அன்பு, காதல், பண்பு எனும்  கயிறால் கட்டி வைத்தும் இருப்பார்கள்.

       இந்த குரு  பெயர்ச்சியால் புதிய வாகனம், வாங்கும் வாய்ப்பும் ஏற்படும். போட்டி மனப்பான்மை, பணியில் இருந்த பணிச்சுமை, சக பணியாளர் காட்டிய ஒத்துழையாமை மறையும். விவசாயம் மேம்படுவதோடு, சாகுபடி  நிலம் சொந்த நிலமாக மாறும். விளைச்சல் அதிகரித்து தானியத்தின் வாயிலாக கூடுதல் தனலாபம் கிடைக்கும். 

      மாணவர்களின் கல்வியில் மேன்மை, அரசியல் துறையினருக்கு செல்வாக்கு, கலைஞர்களுக்கு புதிய பட வாய்ப்பு என இந்த துறையை சார்ந்தவர்கள் பல விதமான சாதனைகளைப் புரிவார்கள். பொதுவாக அனைத்து கிரஹ அமைப்புகளையும் பார்க்கும் பொது எல்லாத் துறையை சார்ந்தவர்களும் எதோ ஒரு வகையில் இடமாற்றம், தொழில் மாற்றம், பதவி மாற்றம் வீடு மாற்றம் என்று நிச்சயம் ஒரு நல்ல மாற்றத்தை இந்த சனிப்பெயர்ச்சி  பிறகு பெறுவீர்கள்.

     வருகின்ற 27.12.2020 முதல் சனீஸ்வர பகவான் மகரராசிக்கும் பிரவேசம் செய்கிறார். நன்கு குறித்து வைத்துக் கொள்ளுங்கள் அந்தநாள்  தொடக்கி சுமார் 3 ஆண்டுகள் யாரும் நினைத்துக்கூட பார்க்க முடியாத நற்பலன்களை  சூரியபுத்ரன் சனிபகவான் வழங்க உள்ளார். உங்களை சிம்மாசனத்தில் அமரச்செய்து ஊர் உலகம் பாராட்டும் உன்னத ஸ்தானத்தில் புகழோடு  பிரகாசிக்க வைப்பர். பொதுவாக அனைத்து கிரஹ அமைப்புகளையும் பார்க்கும்போது சுமார்  44% நன்மையையும், 56% தீமையான பலன்களும் கிடைக்கும் வாய்ப்பு உள்ளது.

பரிகாரம்

    குலதெய்வ வழிபாட்டுடன், திருநள்ளாறு அருகில் உள்ள அம்பகரத்தூர் காளிக்கு எலுமிச்சைபழ மாலை அணிவித்து வழிபடுவது அவசியம்.

வாழ்க வளமுடன்

 

உதவி தேவைக்கு :

ஜோதிட ரத்னா ஓம் சந்தோஷ்

Follow us

For fequent updates and information, Please feel free to follow us.

Newsletter